నవతెలంగాణ-మల్కాజిగిరి
మల్కాజిగిరి నియోజకవర్గంలోని అన్ని డివిజన్లను అభివృద్ధి చేస్తామని ఎమ్మెల్యే మైనంపల్లి హన్మంతరావు అన్నారు. గౌతమ్‌నగర్‌ డివిజన్‌ పరిధిలోని జ్యోతినగర్‌లో రూ.30 లక్షలతో సీసీ రోడ్డు పనులను శుక్రవారం గౌతమ్‌నగర్‌ డివిజన్‌ కార్పొరేటర్‌ మేకల సునీతరాము యాదవ్‌తో కలిసి ప్రారంభించారు. ఈ సందర్భంగా ఎమ్మె ల్యే మాట్లాడుతూ నియోజకవర్గంలోని అన్ని డివిజన్‌ల్లో నెలకొన్న సమస్యల పరిష్కారానికి తగిన చర్యలు తీసుకుం టున్నట్టు తెలిపారు. సీసీ రోడ్లతోపాటు వరద నీటి మళ్లిం పునకు బాక్స్‌ డ్రయినేజీ, కాల్వల నిర్మాణ పనులు చేపట్టి నట్టు తెలిపారు. వివిధ కాలనీల్లో సీసీ రోడ్లు, డ్రెయినేజీ, విద్యుత్‌, కమ్యూనిటీ హాళ్లు, తాగునీరు, ఇతర సమస్యల పరిష్కారానికి అవసరమైన చర్యలు తీసుకుంటున్నట్టు పేర్కొన్నారు. ఈ కార్యక్రమంలో కార్పొరేటర్‌ ప్రేమ్‌కుమార్‌, టీఆర్‌ఎస్‌ సీనియర్‌ నాయకులు రాముయాదవ్‌, అధికా రులు ఏఈ దీపక్‌, నాయకులు పాల్గొన్నారు.
