నవతెలంగాణ-మల్కాజిగిరి
వినాయక్‌నగర్‌ డివిజన్‌ పరిధిలో వినాయక నవరాత్రి వేడుకల్లో భాగంగా ఆదివారం స్థానిక కార్పొరేటర్‌ క్యానం రాజ్యలక్ష్మి పలు గణేష్‌ మండపాల వద్ద భక్తులతో కలిసి ప్రత్యేక పూజలు, కుంకుమార్చనలు నిర్వహించారు. ఈ సందర్భంగా ఆమె మాట్లాడుతూ నవరాత్రి ఉత్సవాలను అందరూ పూజలు, సాంస్కృతిక కార్యక్రమాలు నిర్వహించడం ఎంతో ఆహ్లాదకరంగా జరుపుకోవడం చాలా ఆనందదాయకమన్నారు.
కంటోన్మెంట్‌ : జంపన ప్రతాప్‌ పర్యవేక్షణలో, రాణా ప్రతాప్‌ యువ సేన ఆధ్వర్యంలో బోయిన్పల్లిలో నెలకొన్న బంగారు గణపతిని బోయిన్‌పల్లి పురవీధిలో ఉరేగిస్తూ శోభాయాత్ర నిర్వహించారు. మహిళలు, పిల్లలు, కోలాటం, జానపద కళలతో గణపతి ఊరేగింపు సాగింది. ఈ సందర్భంగా రోడ్డుపై ప్రయాణికులు, వాహనదారులకు ఇబ్బందులు తలెత్తకుండా బోర్డు మాజీ ఉపాధ్యక్షుడు జంపన ప్రతాప్‌ స్వయంగా ఊరేగింపుకు ముందు ఉండి యాత్రను పర్యవేక్షించారు.
