నవతెలంగాణ-సిటీబ్యూరో
రైల్వే ప్రొటెక్షన్‌ ఫోర్సు (ఆర్‌పీఎఫ్‌) ఇంటర్ డివిజన్‌ కబడ్డీ -2021 టోర్నమెంట్‌ను రైల్వే స్పోర్ట్స్‌ కాంప్లెక్స్‌లో నిర్వహించారు. ఈ పోటీల్లో హైదరాబాద్ డివిజన్‌, సికింద్రాబాద్‌ డివిజన్‌ జట్టు పోటీపడ్డాయి. శుక్రవారం నిర్వహించిన ఫైనల్‌ మ్యాచ్‌లో 32-20 తేడాతో హైదరాబాద్ డివిజన్‌ జట్టు విజేతగా లిచింది. ఈ సమావేశానికి ముఖ్య అతిథిగా హాజరైన చీఫ్‌సెక్యురిటీ కమిషనర్‌, ఐజీ ప్రిన్సిపాల్‌ జీఎం ఈశ్వరరావు విజేత జట్టుకు ట్రోఫీని అందజేశారు. క్రీడలు ఉద్యోగులకు ఎంతో ఉత్సాహాన్ని , మానసిక ఉల్లాసాన్ని కల్పిస్తాయన్నారు. కబడ్డీ టోర్నమెంట్స్‌ నిబద్దతను మెరుగుపరుస్తాయని చెప్పారు. ఈ సమావేశంలో హైదరాబాద్ డివిజన్‌ సీనియర్‌ సెక్యూరిటీ కమిషనర్‌ పి.ఎస్‌.కుట్టీతోపాటు హైదరాబాద్ డివిజన్‌ అసిస్టెంట్‌ సుక్యూరిటీ కమిషనర్‌ ఎం.చెంచయ్య పాల్గొన్నారు.
మీ స్నేహితులకు రికమెండ్ చెయ్యండి
