నవతెలంగాణ-ఉప్పల్‌
నగరంలో కురిసిన భారీ వర్షాలకు చిల్కనగర్‌ డివిజన్లో ప్రధాన రోడ్లు గతుకులు (గుంతలు) పడ్డాయని, ప్రజలు ఇబ్బందులు పడుతున్నారని వెంటనే మరమ్మతులు చేయాలని డివిజన్‌ కార్పొరేటర్‌ బన్నాల గీత ప్రవీణ్‌ జీహెచ్‌ఎంసీి ఈఈ నాగేందర్‌ని కోరగా, మంగళవారం ఈఈ నాగేందర్‌ ఏఈ రాజ్‌కుమార్‌ సిబ్బందిని అత్యాధునికమైన జెట్‌ ప్యాచర్‌ మిషన్‌ ద్వారా డివిజన్లోని ప్రధానమైన రోడ్లకు మరమ్మతులు చేయించారు. కేసీఆర్‌, కేటీఆర్‌ హైదరాబాద్ నగర రోడ్లను మరమ్మతులు చేయించడానికి జెట్‌ ప్యాచర్‌ వంటి అత్యాధునికమైనటువంటి యంత్రాలను ఇస్తున్నందుకు వారికి డివిజన్‌ ప్రజల తరఫున ధన్యవాదాలు తెలియజేశారు. ఈ కార్యక్రమంలో జీహెచ్‌ఎంసీ ఈఈ నాగేందర్‌, ఏఈ రాజ్‌ కుమార్‌, టీిఆర్‌ఎస్‌ సీనియర్‌ నాయకులు బన్నాల ప్రవీణ్‌ ముదిరాజ్‌, ఏదుల కొండల్‌ రెడ్డి, జి.ఎస్‌.జగన్‌ మహమ్మద్‌, బింగి శ్రీనివాస్‌, శేఖర్‌, నారాయణరెడ్డి శ్రీకాంత్‌, శ్యామ్‌, మహిళ డివిజన్‌ అధ్యక్షులు సుభద్ర, సాయినాజ్‌, అండాలు, జి.ఎస్‌. విజయలక్ష్మి తదితరులు పాల్గొన్నారు.
