శ్రీ మాజీ స్పీకర్‌ సిరికొండ మధుసూదనాచారి
శ్రీ తెలంగాణ రాష్ట్రం స్వర్ణకార సంఘం నూతన కమిటీ ప్రమాణ స్వీకార మహోత్సవం
నవతెలంగాణ - హస్తినాపురం
ఆర్థిక, రాజకీయ రంగాలలో అత్యంత వెనుకబడ్డ విశ్వకర్మలు పోటీ ప్రపంచానికి అనుగుణంగా ముందుకు సాగాలని తెలంగాణ రాష్ట్ర మాజీ స్పీకర్‌ సిరికొండ మధుసూదనాచారి పిలుపునిచ్చారు .ఆదివారంనాడు ఎల్బీనగర్‌ నియోజకవర్గ పరిధిలోని వనస్థలిపురం పనామా గోడౌన్స్‌ సమీపంలోని బొమ్మిడి లలిత గార్డెన్స్‌లో జరిగిన తెలంగాణ రాష్ట్ర స్వర్ణకార సంఘం నూతన కార్యవర్గం పదవీ ప్రమాణ స్వీకార మహోత్సవ కార్యక్రమం అత్యంత వైభవంగా జరిగింది. ఈ కార్యక్రమానికి ముఖ్య అతిథులుగా తెలంగాణ రాష్ట్ర తొలి మాజీ స్పీకర్‌ సిరికొండ మధుసూదనాచారి, తెలంగాణ రాష్ట్ర బీసీ కమిషన్‌ సభ్యులు ఉపేంద్రాచారిలు హాజరయ్యారు.
ఈ సందర్బంగా మాజీ స్పీకర్‌ సిరికొండ మధుసూద నాచారి మాట్లాడుతూ విశ్వకర్మలు సామాజిక, రాజకీయ, ఆర్థిక రంగాల్లో రాణించినప్పుడే మంచి గుర్తింపు వస్తుందని ఆయన పేర్కొన్నారు . రాజకీయ రంగాలలో అత్యంత వెనుకబడ్డ విశ్వకర్మలు పోటీ ప్రపంచానికి అనుగుణంగా ప్రతి ఒక్కరూ నడుచుకోవాలని సూచించారు. అనంతరం తెలంగాణ రాష్ట్రం స్వర్ణకార సంఘం నూతన కార్యవర్గం సభ్యులు ప్రమాణ స్వీకారం చేసి బాధ్యతలు స్వీకరించారు. రాష్ట్ర అధ్యక్షులుగా వింజమూరి రాఘవాచారి, ప్రధాన కార్యదర్శిగా చేపూరి వెంకటస్వామి, కోశాధికారిగా చంద్రశేఖరాచారిలతోపాటు రాష్ట్ర కార్యదర్శులు, సహాయ కార్యదర్శులు, ఆర్గనైజింగ్‌ కార్యదర్శులు, ప్రచార కార్యదర్శులు, కార్యవర్గ సభ్యుల చేత ప్రమాణ స్వీకారం చేయించి నియామక పత్రాలు అందజేశారు. ఈ కార్యక్రమంలో అన్నకంటే సత్యము కేసరి, శ్రీకాంత్‌ రాగి పని, సతీష్‌ కుమార్‌, కందుకూరు పూర్ణాచారి, గిరి, ఖరి వేణుగోపాల్‌ మాధవ్‌, దిల్‌సుఖ్‌నగర్‌ స్వర్ణకార సంఘం అధ్యక్షులు కీర్తి గారి అనంతాచారి, ప్రధాన కార్యదర్శి గోవర్దన్‌ చారి, గౌరవ అధ్యక్షులు నర్సింహాచారి, సంఘ సభ్యులు బావోజు రవి, కొండలన్నా వెంకటాచారి రవి తదితరులు పాల్గొన్నారు.
