నవతెలంగాణ-మేడ్చల్‌ కలెక్టరేట్‌
దసరా పండగా విజయానికి ప్రతీకగా నిలిచిందనీ, ఎల్లప్పుడూ మంచికే విజయం వరిస్తుందనడానికి విజయదశమి నిదర్శనమని మేడ్చల్‌, మల్కాజిగిరి జిల్లా కలెక్టర్‌ హరీష్‌ అన్నారు. శుక్రవారం విజయదశమి (దసరా) పండగను పురస్కరించుకుని జిల్లా ప్రజలు, అధికారులు, నాయకులకు శుభాకాంక్షలు తెలిపారు. ఈ సందర్భంగా కలెక్టర్‌ హరీష్‌ మాట్లాడుతూ ప్రతి ఒక్కరూ మంచి మార్గంలో పయనిస్తే విజయం తప్పకుండా వరిస్తుందనే విషయాన్ని గుర్తించాలని తెలిపారు.
సిటీబ్యూరో : చెడుపై సాధించిన విజయానికి ప్రతీక విజయదశమి అని.. దసరా పండుగను జిల్లా ప్రజలందరూ సంతోషంగా జరుపుకోవాలని జిల్లా కలెక్టర్‌ ఎల్‌.శర్మన్‌ ఆకాంక్షించారు. కోవిడ్‌ నిబంధనలు పాటిస్తూ కుటుంబ సభ్యులతో ఆనందోత్సహాల మధ్య పండుగ జరుపుకోవాలనీ, అందరూ ఆయురారోగ్యాలతో, సుఖ సంతోషాలతో బాగుండాలని కోరుకుంటూ పండుగ శుభాకాంక్షలు తెలిపారు.
