- మంత్రి వి.శ్రీనివాస్‌గౌడ్‌
- క్రికెట్‌ మ్యాచ్‌ బ్రోచర్‌ ఆవిష్కరణ
నవతెలంగాణ-సిటీబ్యూరో
రాష్ట్ర అబ్కారీ, క్రీడా, పర్యాటక, సాంస్కృతికశాఖ మంత్రి వి.శ్రీనివాస్‌గౌడ్‌ హైదరాబాద్‌లోని తన కార్యాలయంలో బోర్డ్‌ ఆఫ్‌ డిసబ్లేడ్‌ క్రికెట్‌ అసోసియేషన్‌ -ఇండియా ఆధ్వర్యంలో భారత్‌-బంగ్లాదేశ్‌ దేశాల మధ్య జరగనున్న అంతర్జాతీయ క్రికెట్‌ మ్యాచ్‌లకు ఒక టెస్ట్‌ మ్యాచ్‌, మూడు 20-20 మ్యాచ్‌లకు హైదరాబాద్ నగరంలోని లాల్‌ బహదూర్‌ క్రికెట్‌ స్టేడియం వేదికైంది. ఈ మేరకు ఈ మ్యాచులకు సంబంధించిన బ్రోచర్‌ను శనివారం ఆవిష్కరించారు. ఈ సందర్భంగా మంత్రి మాట్లాడుతూ ప్రత్యేక రాష్ట్రం ఏర్పడిన తర్వాత సీఎం కేసీఆర్‌ రాష్ట్రంలో క్రీడల అభివృద్ధికి ఎంతో ప్రోత్సాహం అందిస్తున్నారన్నారు. అందులో భాగంగా తెలంగాణను క్రీడా హబ్‌గా రూపొందించి, క్రీడల అభివృద్ధికి క్రీడా పాలసీని రూపొందిస్తున్నామన్నారు. క్రీడాకారులను ప్రోత్సాహిస్తున్నామన్నారు. ఈ కార్యక్రమంలో బోర్డ్‌ ఆఫ్‌ డిసబ్లేడ్‌ క్రికెట్‌ అసోసియేషన్‌-ఇండియా చైర్మన్‌ మహమ్మద్‌ అలీ ఖురేషి, ప్రధాన కార్యదర్శి రాంరెడ్డి, డైరెక్టర్‌ షేక్‌ అన్వర్‌, పబ్లిక్‌ ప్రాసిక్యూటర్స్‌ అసోసియేషన్‌ అధ్యక్షులు కృష్ణ మూర్తిగౌడ్‌, వీ-3 ఛానల్‌ చైర్మన్‌ కాచం సత్యనారాయణ, మీడియా కో-ఆర్డినేటర్‌ లత, తదితరులు పాల్గొన్నారు.
