నవతెలంగాణ-బాలానగర్‌
110 సార్లు శబరిమల యాత్ర చేసిన సందర్భంగా కూకట్‌పల్లి నియోజకవర్గం మూసాపేట సర్కిల్‌ ఫతేనగర్‌ డివిజన్‌కు చెందిన రమణ గురుస్వామి న్యూ ఢిల్లీలో ఆంధ్రా అసోసియేషన్‌ గోదావరి ఆడిటోరియంలో డాక్టర్‌ ఏపీజే అబ్దుల్‌ కలాం నేషనల్‌ ఎక్స్లెన్స్ పురస్కారాన్ని అందుకున్నారు. ఈ సందర్భంగా ఫతే నగర్ కార్పొరేటర్‌ పండాల సతీష్‌ గౌడ్‌ ఆయన కార్యాలయంలో రమణ గురుస్వామికి శుభాకాంక్షలు తెలిపారు. దక్షిణ భారతదేశం నుంచి వివిధ రంగాల్లో సేవలందిస్తున్న రమణ గురుస్వామితో పాటు మరో 24 మందిని ఎంపిక చేసి పురస్కారాలను ఢిల్లీ రాష్ట్ర కరోల్‌ బాగ్‌ ఎమ్మెల్యే విశేష్‌ రవీజ్‌,వింగ్‌ కమాండర్‌ మీనాక్షిని తదితర ప్రముఖుల చేతుల మీదుగా ప్రదానం చేశారు. తనను మాజీ రాష్ట్రపతి అబ్దుల్‌ కలాం జాతీయ ఎక్స్లెన్స్ పురస్కారానికి ఎంపిక చేసినందుకు ఉజ్వల, శిఖర సంస్థల ప్రతినిధులకు కతజ్ఞతలు తెలిపారు.
