నవతెలంగాన-తుర్కయాంజల్
బహుజన్‌ సమాజ్‌ పార్టీ ఇబ్రహీంపట్నం నియోజకవర్గం, తుర్కయాంజల్ మున్సిపాలిటీ అధ్యక్షుడు వద్దిగళ్ల బాబు ఆధ్వర్యంలో గుర్రం సత్తిరెడ్డి గార్డెన్‌లో శనివారం అసెంబ్లీ పదాధికారుల సమావేశం జరిగింది. ఈ కార్యక్రమానికి ముఖ్య అతిథులుగా అసెంబ్లీ ఇన్‌చార్జి పల్లాటి రాములు, ఈసీ మెంబర్‌ లింగం, అసెంబ్లీ అధ్యక్షులు గ్యార మల్లేష్‌ పాల్గొన్నారు. ఈ సమావేశంలో నవంబర్‌ 6వ తేదీన జరిగే బీసీల రాజకీయ చైతన్య సదస్సు విజయవంతం చెయ్యాలని వాల్‌పోస్టర్లు విడుదల చేసి పిలుపునిచ్చారు. ఈ కార్యక్రమంలో. అసెంబ్లీ ఉపాధ్యక్షుడు దార యాదగిరి, అసెంబ్లీ కోశాధికారి కంబాలపల్లి శాంత, అబ్దుల్లాపూర్‌మెట్‌ మండల కన్వీనర్లు గుండె శ్రీనివాస్‌, బంగారి మైసయ్య, యాచారం మండలం కన్వీనర్‌ గోరటి కుమార్‌, తుర్కయాంజల్ మున్సిపాలిటీ కమిటీ యడవల్లి శ్యామ్‌, రవి కుమార్‌, రవి, సుజాత, రాజు,పెద్ద అంబర్‌పేట్‌ మున్సిపాలిటీ కమిటీ నల్ల పరమేష్‌, యాంజల ప్రహ్లాద్‌, గౌరెల్లి సెక్టార్‌ అధ్యక్షుడు చిత్రం కష్ణ పాల్గొన్నారు.
