నవతెలంగాణ-కల్చరల్‌
తెలంగాణ ప్రాంత కళలు విశ్వజనీనం అని రాష్ట్ర బీసీ.కమిషన్‌ చైర్మెన్‌ డాక్టర్‌ వకుళాభరణం కృష్ణమోహన్‌ రావు అన్నారు. సోమవారం రవీంద్రభారతిలో తార ఆర్ట్స్‌ అకాడమీ నిర్వహణలో భారతీయ సంప్రదాయ నృత్యోత్సవ్‌ 2021, ఉగాది పురస్కారాల ప్రదానోత్సవ సభ జరిగింది. ముఖ్య అతిథిగా డాక్టర్‌ వకుళాభరణం పాల్గొని మాట్లాడుతూ తెలంగాణ గడ్డలో ఎన్నో ఉద్యమాలకు సాహిత్యం, కళలు ఆలంబనమైనాయని పేర్కొన్నారు. అతిథులుగా సౌజన్యశీలి విజరు కుమార్‌, శాసన సభ్యుడు చందర్‌ తదితరులు పాల్గొన్న సభకు సంస్థ నిర్వాహకుడు రాజేష్‌ స్వాగతం పలికారు. డాక్టర్‌ వకుళాభారణం నాట్యగురువు రాధా మోహన్‌ లతో పాటు పలువురు కళాకారులకు పురస్కారాలు బహుకరించారు.