నవతెలంగాణ-జగద్గిరిగుట్ట
ఆలయాలు మానసిక ప్రశాంతతకు నిలయాలని కుత్బుల్లాపూర్‌ మాజీ ఎమ్మెల్యే, బీజేపీ రాష్ట్ర నాయకులు కూన శ్రీశైలంగౌడ్‌ అన్నారు. బుధవారం కొంపల్లి మున్సిపల్‌ పరిధిలోని జయభేరి పార్కు హౌజ్‌ ఓనర్స్‌ వెల్ఫేర్‌ అసోసియేషన్‌ ఆధ్వర్యంలో శివాలయం విగ్రహ ప్రతిష్టాపన, ఆలయ ప్రారంభోత్సవంలో పాల్గొని ప్రత్యేకపూజలు చేశారు. అనంతరం ఆయన మాట్లాడుతూ స్వామి వారి కృపతో ప్రజలంతా సుఖ సంతోషాలతో ఉండాలన్నారు. కార్యక్రమంలో కొంపల్లి మున్సిపల్‌ కౌన్సిలర్లు రజిని జీవన్‌రెడ్డి, రాజిరెడ్డి, శశికళ ఉదరు భాస్కర్‌, శకుంతల జనార్ధన్‌రెడ్డి, ఆలయ కమిటీ సభ్యులు మధుసూధన్‌రావు, గోపాల్‌రెడ్డి, అశోక్‌రెడ్డి, కృష్ణారెడ్డి, మహేష్‌, గిరిధర్‌, పరమేశ్వర్‌, లక్ష్మణ్‌రావు, సాయిబాబా, రాజు, సురేందర్‌రెడ్డి, రవీందర్‌గుప్త, వెంకట్‌రెడ్డి, బీర్‌పాల్‌సింగ్‌, దుర్గారావు పాల్గొన్నారు.