నవతెలంగాణ -సరూర్‌నగర్‌
రొట్టమాకురేవు కవిత్వ అవార్డు 2021 ఆదివారం ఉదయం 10.30కు ముంతాజ్‌ కళాశాల ఆవరణలో అవార్డుల ప్రదాన సభ నిర్వహిస్తున్నట్లు నిర్వాహకులు శిలా లొలిత, కవి యాకూబ్‌ ఒక ప్రకటనలో తెలిపారు. ఆనందచారి అధ్యక్షత వహించనున్న సభకు ముఖ్య అతిథులుగా డాక్టర్‌ శివారెడ్డి, లక్ష్మీనరసయ్య, డాక్టర్‌ సీతారాం పాల్గొంటారని తెలిపారు. షేక్‌ మహమ్మద్‌ మియా స్మారక అవార్డును మునాసు వెంకట్‌ (మెద), పురిటిపాటి రామిరెడ్డి స్మారక అవార్డును మందరపు హైమవతి (నీలి గోరింట), కేఎల్‌ నర్సింగరావు స్మారక అవార్డులను నరేష్‌ కుమార్‌ సూఫీ (నిశ్శబ్ద), గోపాల్‌ (దండ కడియం)లకు ఇవ్వనున్నారు. కార్యక్రమంలో లిఖిత్‌ కుమార్‌, శ్రీనిధి, రావెళ్ల రవీంద్ర, రుక్మిణి, లక్ష్మి శ్రీ, ప్రసాద్‌, రహీమ్‌ ఉద్దీన్‌, గీత, తండా హరీష్‌ గౌడ్‌, తాళ్లపళ్లి శివకుమార్‌, ఇస్లావత్‌ గోవర్ధన్‌ నాయక్‌ , పద్మజ, రాధిక మోహన్‌ పాల్గొననున్నారు.