నవతెలంగాణ-ఓయూ
ప్రగతిశీల ప్రజాస్వామ్య విద్యార్థి సంఘం (పీడీఎస్‌యూ) రాష్ట్ర రాజకీయ శిక్షణ తరగతులు, జనరల్‌ కౌన్సిల్‌ సమావేశాలు నవంబర్‌ 12,13,14,15 తేదీల్లో ఖమ్మం జిల్లా కేంద్రంలో విజయవంతంగా జరిగిన విషయం తెల్సిందే. ఈసందర్భంగా తెలంగాణ రాష్ట్ర ఆల్‌ యూనివర్సిటీస్‌ అండ్‌ ఇంజినీరింగ్‌ కాలేజీల కో ఆర్డినేషన్‌ కమిటీని 15మందితో పీడీఎస్‌యూ రాష్ట్ర జనరల్‌ కౌన్సిల్‌లో ఏకగ్రీవంగా ఎన్నుకున్నారు. కో ఆర్డినేషన్‌ కమిటీ కన్వీనర్‌గా ఉస్మానియా యూనివర్సిటీ పరిశోధక విద్యార్థి, పీడీఎస్‌యూ స్టేట్‌ వైస్‌ ప్రెసిడెంట్‌ ఎస్‌.నాగేశ్వర్‌ రావును, కో కన్వీనర్‌గా మహేష్‌ (జేఎన్‌టీయూ రాష్ట్ర సహాయ కార్యదర్శి), నాయకులుగా స్వాతి (జేఎన్‌ఎఫ్‌యూ), రాజు (శాతవాహన యూనివర్సిటీ), భాను ప్రసాద్‌ (మహాత్మా గాంధీ యూనివర్సిటీ ), సుమంత్‌ (ఓయూ), రాజేశ్వర్‌ (తెలంగాణ యూనివర్సిటీ), గౌస్‌ (పాలమూరు యూనివర్సిటీ), భూమిక (జేఎన్‌టీయూ), ఖుజద్దిన్‌ (కాకతీయ యూనివర్సిటీ ), విష్ణు (ఓయూ), నర్సింహరావు (కాకతీయ యూనివర్సిటీ), కావేరి (ఓయూ), సుజీత్‌ (తెలంగాణ యూనివర్సిటీ), ప్రభంజన్‌ (మహాత్మా గాంధీ యూనివర్సిటీ) ఎన్నికయ్యారు.
