నవతెలంగాణ-ధూల్‌పేట్‌
సెంట్రల్‌ ఇండియా టూర్‌లో భాగంగా తమిళనాడు కోయంబత్తూరులోని సెంట్రల్‌ అకాడమీ ఫర్‌ స్టేట్‌ ఫారెస్ట్‌ సర్వీస్‌ నుంచి 6 లేడీ ఆఫీసర్‌ ట్రైనీలతో సహా 45 మంది ట్రైనీ స్టేట్‌ ఫారెస్ట్‌ సర్వీస్‌ 2020-22 బ్యాచ్‌ అధికారులు మంగళవారం నెహ్రూ జూలాజికల్‌ పార్క్‌ను సందర్శించారు. జూ పార్క్‌ క్యూరేటర్‌ ఎస్‌. రాజశేఖర్‌ ట్రైనీ ఫారెస్ట్‌ అధికారులకు జూ నిర్వహణ, ఎన్‌క్లోజర్‌ ఎన్‌రిచ్‌మెంట్‌, కన్జర్వేషన్‌ బ్రీడింగ్‌ ప్రోగ్రామ్‌లపై వివరించారు. అనంతరం వారిని జంతు ఎన్‌క్లోజర్స్‌కు తీసుకెళ్లి బంధీలో ఉన్న జంతు సంరక్షణ, ఇంట్లో చెత్త పర్యవేక్షణపై తీసుకోవాల్సిన జాగ్రత్తలు, సూచనలు చేశారు. డిప్యూటీ డైరెక్టర్‌ పశువైద్యుడు డాక్టర్‌ ఎం.ఏ హకీం జూ జంతు, పక్షాల ట్రాంక్విలైజింగ్‌ టెక్నిక్‌ల గురించి ప్రదర్శించారు. అసిస్టెంట్‌ డైరెక్టర్‌ వెట్‌ డాక్టర్‌ శంబులింగం మానవ జంతు సంఘర్షణ, వైల్డ్‌ యానిమల్స్‌ను రక్షించడం పై అవగాహన కల్పించారు. కోయంబత్తూరులోని సెంట్రల్‌ అకాడెమీ ఫర్‌ స్టేట్‌ ఫారెస్ట్‌ సర్వీస్‌ అండ్‌ ట్రైనింగ్‌ సెంటర్‌ కోర్స్‌ కోఆర్డినేటర్‌ డాక్టర్‌. విద్యాసాగర్‌, నెహ్రూ జూలాజికల్‌ పార్క్‌ క్యూరేటర్‌, వన్యప్రాణుల సంరక్షణ విద్యలో తమ పర్యటనను విద్యావంతులుగా తీర్చిదిద్దడానికి మరింత సమాచారంగా అందించినందుకు ఆ బృంద సభ్యులకు ధన్యవాదాలు తెలిపారు. కార్యక్రమంలో జూ పార్క్‌ డిప్యూటీ క్యూరేటర్‌ ఎ. నాగమణి, అసిస్టెంట్‌ క్యూరేటర్లు సునీత, స్వరూపరాణి, సతీష్‌ బాబు, రేంజ్‌ అధికారి డి.నాగరాజు, జీవశాస్త్రవేత్తలు ఎం. సందీప్‌ గౌడ్‌, బి. లక్ష్మీనారాయణ, పీఆర్‌ఓ హనీఫుల్లా పాల్గొన్నారు.
