నవతెలంగాణ-కల్చరల్‌
ధనార్జనే ముఖ్యం కాదని, సంపదలో కొంత సామాజిక కార్యక్రమాలకు వినియోగించడం వల్ల శాశ్వత కీర్తి పొందవచ్చని బండారు సుబ్బారావు నిరూపించారని ప్రముఖ గాయకులు ప్రశంసించారు. శతిలయ ఆర్ట్స్‌ అకాడమీ, సహదయ ఫౌండషన్‌, కళ పత్రిక ల నిర్వహణలో గురువారం పారిశ్రామిక వేత్త బండారు సుబ్బారావు 65 వ జన్మదిన వేడుక జరిగింది. గాయని ఆమని మాట్లాడుతూ కరోనా సమయంలో వందల మందికి నిత్యావసర వస్తువులు పంపిణీ చేయటం, అనాధాలను అదుకోవటం వంటి సేవా కార్యక్రమాలతో పాటు కళా సంస్థలకు సౌజన్యం అందించుటలో సహదయత కల సుబ్బారావు కళా పోషకులన్నారు. అనూహ్య రెడ్డి, కళా పత్రిక సంపాదకులు రఫీ తదితరులు పాల్గొని బండారు సుబ్బారావును సేవా సార్వ్యభౌమ బిరుడుతో సత్కరించారు.