నవతెలంగాణ-మేడ్చల్‌ కలెక్టరేట్‌
విద్యార్థులు కష్టపడి చదువుకుంటే గొప్ప వ్యక్తులుగా రాణిస్తారని బీజేపీ కీసర మండల ప్రధాన కార్యదర్శి కోలా బాలరాజు యాదవ్‌ అన్నారు. శనివారం చీర్యాల గ్రామంలోని జిల్లా పరిషత్‌ ఉన్నత పాఠ శాలలో విద్యార్థులు స్వయం పరిపాలనా దినోత్సవం నిర్వహించారు. ఈ సందర్భంగా ఆయన మాట్లా డుతూ విద్యార్థులు ఒక్క రోజు ఉపాధ్యాయ వృత్తి చేపట్టడం ఎంతో స్ఫూర్తిని, మనో ధైర్యంను పెంచు తుందన్నారు. గురువులకు సమాజంలో ఎక్కడికి వెళ్లినా, ఏ స్థాయిలో ఉన్నా ప్రత్యేకమైన అభిమానం ఉంటుందని పేర్కొన్నారు. పదో తరగతి విద్యార్థులు కష్టపడి చదవాలనీ, ఉత్తమ ప్రతిభ కనపరచిన వారికి బహుమతులను అందజేశారు. ఈ కార్యక్రమంలో ప్రధానోపాధ్యాయులు రవీందర్‌ పాల్గొన్నారు.