నవతెలంగాణ-ప్రత్యేక ప్రతినిధి
హైదరాబాద్‌ నగర ట్రాఫిక్‌ అదనపు పోలీసు కమిషనర్‌గా విజరుకుమార్‌ను నియమిస్తూ రాష్ట్ర ప్రభుత్వం ఉత్తర్వులు జారీ చేసింది. ఆయన గత ఆరునెలల క్రితం సెంట్రల్‌ డిప్యూటేషన్‌ నుంచి రాష్ట్రానికి తిరిగి వచ్చారు. కేంద్రంలో ఆయన ఇంటెలిజెన్స్‌ బ్యూరో (ఐబీ) శాఖలో తెలంగాణ రీజియన్‌కు ఇన్‌చార్జీగా పని చేశారు. కాగా, నగర క్రైమ్‌ సిట్‌ విభాగం అదనపు పోలీసు కమిషనర్‌ షికా గోయెల్‌కు భర్త విజరు కుమార్‌ నిజాయితీపరుడైన ఐపీఎస్‌ అధికారిగా పేరు పొందారు. అలాగే, పోస్టింగ్‌ కోసం ఎదురు చూస్తున్న మరో సీనియర్‌ ఐపీఎస్‌ అధికారి, ఐజీ విక్రమ్‌జిత్‌మాన్‌ను నగర సిటీ ఆర్మ్‌డ్‌ రిజర్వ్‌డ్‌ (సీఏఆర్‌) హెడ్‌క్వార్టర్స్‌ అదనపు పోలీసు కమిషనర్‌గా నియమించారు. వీరిద్దరూ శనివారం బాధ్యతలను స్వీకరించారు.