- దరఖాస్తు చేసుకోండి : జీహెచ్‌ఎంసీ కమిషనర్‌
నవతెలంగాణ-సిటీబ్యూరో
ఈనెల 1వ తేదిన విడుదల చేసిన ముసాయిదా ఓటరు జాబితాలో మార్పులు చేర్పులు, నూతన ఓటరు నమోదుకు దరఖాస్తు చేసుకోవడానికి చివరి గడువు మంగళవారం (ఈనెల 30వ తేదీ)తో ముగియనుంది. దీంతో అర్హులైన వారు దరఖాస్తు చేసుకోవాలని హైదరాబాద్‌ జిల్లా ఎన్నికల అధికారి, జీహెచ్‌ఎంసీ కమిషనర్‌ ఒక ప్రకటనలో తెలిపారు. భారత ఎన్నికల సంఘం 2021 సంవత్సరం ముసాయిదా ఓటరు జాబితాను నవంబర్‌ 1 విడుదల చేసిన నేపథ్యంలో అట్టి ఓటరు జాబితాలో పేరు, అడ్రస్‌, తొలగింపు లాంటి మార్పులు, చేర్పులు చేసుకునేందుకు దరఖాస్తు చేసుకో వచ్చని అన్నారు. అలాగే జనవరి 1, 2022 నాటికి 18 సంవత్సరాలు వయస్సు పూర్తయిన వారు కూడా నవంబర్‌ 30 తేదీలోగా నమోదుకు దరఖాస్తు చేసుకోవాలన్నారు. నియోజకవర్గ ఈఆర్‌ఓకు (డిప్యూటీ కమిషనర్‌ కార్యాల యం) కానీ, షషష.అఙరజూ.ఱఅ, ఓటరు హెల్ప్‌లైన్‌ యాప్‌ ద్వారా గాని నమోదుకు దరఖాస్తు చేసుకోవచ్చునని జిల్లా ఎన్నికల అధికారి, జీహెచ్‌ఎంసీ కమిషనర్‌ తెలిపారు. ఈ అవకాశాన్ని సద్వినియోగం చేసుకోవాలని ప్రజలను కోరారు