- ముగ్గురు వ్యక్తులు అరెస్ట్‌
నవతెలంగాణ-కంటోన్మెంట్‌
తిరుమలగిరిలోని ముత్తూట్‌ ఫైనాన్స్‌లో దోపిడీకి యత్నించిన ముగ్గురు వ్యక్తులను పోలీసులు అరెస్టు చేశారు. సోమవారం ఉదయం 11గంటల సమయంలో ముగ్గురు వ్యక్తులు ముత్తూట్‌ ఫైనాన్స్‌లో కార్యాలయంలోకి వచ్చారు. అనుమానాస్పదంగా తిరగాడుతుండటంతో అనుమానం వచ్చిన సిబ్బంది ఒక్కసారిగా అలారం నొక్కడంతో స్థానికులు, ఇతర సిబ్బంది అలర్ట్‌ అయ్యారు. పారిపోవడానికి యత్నిస్తున్న వ్యక్తులను అక్కడున్నవారు, సిబ్బంది పట్టుకునే ప్రయత్నం చేయగా పరిగెత్తారు. అయినా వెంబడించారు. ముత్తూట్‌ ఫైనాన్స్‌ కార్యాలయం నుంచి ఎల్‌ఐసీ బిల్డింగ్‌ వరకు దొంగలు పరిగెత్తగా అక్కడే ఉన్న ట్రాఫిక్‌ పోలీసులు వారిని గమనించి పట్టుకుని, తిరుమలగిరి పోలీసులకు అప్పగించారు. నిందితులు మహారాష్ట్రలోని అయోధ్య నగర్‌కు చెందిన వారని, వారి పేర్లు లక్ష్మణ్‌, బాలకృష్ణ, అశోక్‌ అని పోలీసులు గుర్తించారు. కేసు నమోదు చేసి దర్యాప్తు చేస్తున్నారు.
