నవతెలంగాణ-ఉప్పల్‌
ప్రతి వ్యక్తికీి సొంత ఇల్లు ఒక కల. ఆ కల నేర్చుకోవడం ఈ రోజుల్లో కొందరికి కష్టమైన పని. అలాంటి వారి కోసం ఆకర్షణీయమైన ఇంటి ప్లాన్‌, నిర్మాణాల కోసం, అర్బన్‌ ప్లాన్‌ కోసం ఉప్పల్‌లో డివికె కన్‌స్ట్రక్షన్‌ కంపెనీ కొలువుతీరింది. ఆదివారం ఈ కార్యాలయం ఉప్పల్‌ మెయిన్‌ రోడ్డులో, మహాకాళి దేవాలయం దగ్గర ప్రారంభించారు. తెలుగు రాష్ట్రాలలో సివిల్‌ స్ట్రక్చరల్‌ ఇంజినీర్‌ పనులకోసం ఈ ప్రధాన కార్యాలయం ఏర్పాటు చేశారు. ఈ సందర్భంగా సంస్థ ఎండి డివి. కిరణ్‌ కుమార్‌ మాట్లాడుతూ నగరాలు, గ్రామాలు విస్తరిస్తున్నాయి. తమకున్న తక్కువ స్థలంలో తమ కలలకు, ఆలోచనలకు తగినట్లుగా ఇల్లు ఎలా కట్టుకోవాలన్నది పెద్ద ప్రశ్న. ఇదిలా వుంటే స్థలం కావాల్సినంత వున్నప్పటికీ ఎలా అందులో అందమైన ఇంటి నిర్మాణం అన్నది కూడా పెద్ద సందేహం. తక్కువ బడ్జెట్‌లో విలువైన నిర్మాణం ఎలా? అన్నది చాలా మంది అనుకుంటుంటారు. అలాంటి వారికి చక్కని పరిష్కారం చూపడం కోసం మా ప్రయత్నం. ఇప్పటివరకు ఎంతో మందికి మా సేవలు అందించాం. తెలుగు రాష్ట్రాలలో అన్ని ప్రాంతాలలో మా సేవలు అందిండానికి సిద్ధంగా వున్నాం. ప్రజలు కూడా ఎప్పటికప్పుడు కొత్త దనం కోరుకుంటుంటారు. వారి అభిరుచికి తగ్గట్టుగా, పూర్తి వాస్తు ప్రకారం ఇంటి ప్లాన్‌లు తయారు చేసి, నిర్మాణం దగ్గరుండి మా పర్యవేక్షణలో నిర్మాణం చేయిస్తాం. ఇల్లు, ఇంటి లోపల ఇంటీరియర్‌ డిజైనింగ్‌ కూడా ఎవరి ఆలోచనలకు అనుగుణంగా వారి అభిరుచి మేరకు అందంగా డిజైన్‌ చేసిస్తాం. అందుకు అవసరమైన అన్ని రకాల సదుపాయాలు మా దగ్గర వున్నాయి. జస్ట్‌ మీ ఆలోచన చెబితే చాలు, మీ కలల రూపం మీ ముందు వుంచుతామని డివి. కిరణ్‌ కుమార్‌ అంటున్నారు. ఇండ్లు మాత్రమే కాదు, కొత్త కొత్త వెంచర్లు, గ్రామాలలో కొత్త డిజైన్లు, ప్రాజెక్టుల నిర్మాణాలు ఇలా అన్ని రకాల సివిల్‌ ఇంజనీరింగ్‌ పనులకు పరిష్కారం ఒక్కటే...అది డివికె కన్‌స్ట్రక్షన్‌ అని కిరణ్‌ కుమార్‌ చెబుతున్నారు.
