నవతెలంగాణ-మల్కాజిగిరి
మల్కాజిగిరి సర్కిల్‌ ఈస్ట్‌ ఆనంద్‌ బాగ్‌ డివిజన్‌ పరిధిలోని షిరిడీ నగర్‌ వెల్ఫేర్‌ అసోసియేషన్‌ నూతన కార్యవర్గం ఎన్నికైన సందర్భంగా ఆదివారం స్థానిక కార్పొరేటర్‌ వై.ప్రేమ్‌ కుమార్‌ను తన కార్యాలయంలో మర్యాదపూర్వకంగా కలిసి షిరిడీ నగర్‌లోని సమస్యలు పరిష్కరించేలా చర్యలు తీసుకోవాలని కోరారు. ఈ సందర్భంగా కార్పొరేటర్‌ మాట్లాడుతూ షిరిడీ నగర్‌లో సమస్యలు ఏమి ఉన్నా తన దృష్టికి తీసుకొస్తే వెంటనే సంబంధిత అధికారులతో మాట్లాడి పరిష్కరించే విధంగా చర్యలు తీసుకుంటామని చెప్పారు. ఈ కార్యక్రమంలో షిరిడీనగర్‌ వెల్ఫేర్‌ అసోసియేషన్‌ అధ్యక్షులు మురళీధర్‌, ప్రధాన కార్యదర్శి ఆనంద్‌ గౌడ్‌, కిషోర్‌ కుమార్‌, యాదగిరి, రాధా రాణి, సుధారాణి, ఆనంద్‌ కుమార్‌, తదితరులు పాల్గొన్నారు.