నవతెలంగాణ-కంటోన్మెంట్‌
క్రీడాకారులను ప్రోత్సహించేందుకు ఆదివారం శ్రీగణేష్‌ ఫౌండేషన్‌ సభ్యులు శరత్‌ కుమార్‌ టీమ్‌ ఆధ్వర్యంలో బోయిన్‌పల్లి గ్రౌండ్‌లో క్రికెట్‌ టోర్నమెంట్‌ నిర్వహించారు. ఫౌండేషన్‌ చైర్మెన్‌ శ్రీ గణేష్‌ ఈ కార్యక్ర మానికి ముఖ్య అతిథిగా విచ్చేసిన టాస్‌ వేసి మ్యాచ్‌ను ప్రారంభించి మాట్లాడారు. కంటోన్మెంట్‌కు జాతీయ, అంతర్జాతీయ స్థాయిలో గుర్తింపు తెచ్చే విధంగా యువత కృషి చేయాలని సూచించారు. క్రీడాకారులకు ప్రోత్సహిం చేందుకు శ్రీ గణేష్‌ ఫౌండేషన్‌ ఎల్లవేళలా అండగా ఉంటుందని భరోసానిచ్చారు. ఈ కార్యక్రమంలో క్రికెట్‌ టోర్నమెంట్‌ నిర్వాహకులు శరత్‌ కుమార్‌ టీమ్‌, ఫౌండేషన్‌ కో-ఆర్డినేటర్‌ మహేష్‌ కుమార్‌, రౌతు రాజయ్య, భాస్కర్‌ గౌడ్‌, విక్కీ, సాయి కుమార్‌, కేష్‌, నరేష్‌, శివ ప్రసాద్‌, ఖాజా, గౌతమ్‌ కుమార్‌, తదితరులు పాల్గొన్నారు. ఈ టోర్నమెంట్‌లో 12 జట్లు పాల్గొన్నాయి. విన్నర్స్‌కి రూ.20 వేలు, రన్నర్‌కి రూ.10 వేల నగదు బహుమతి ఉంటుందని టోర్నమెంట్‌ నిర్వాహకులు ప్రకటించారు.
