నవతెలంగాణ-జగద్గిరిగుట్ట
కార్మికులు ఐకమత్యంతో సమస్యలను పరిష్కరించుకోవాలని సీపీఐ కుత్బుల్లాపూర్‌ నియోజకవర్గం కార్యదర్శి ఈ.ఉమామహేష్‌ అన్నారు. గురువారం జగద్గిరిగుట్ట డివిజన్‌ చివరి బస్టాప్‌లో ఏఐటీయూసీ నియోజకవర్గం అధ్యక్షులు ఉజ్జిని హరినాథ్‌రావు ఆధ్వర్యంలో ఏర్పాటు చేసిన కార్యక్రమంలో భవన నిర్మాణ కార్మికులకు నూతన సభ్యత్వ కార్డులను అందజేశారు. ఈ సందర్భంగా ఆయన మాట్లాడుతూ కార్మికులకు ఎల్లప్పుడు సీపీఐ అండగా ఉండి ఆదుకుంటుందన్నారు. కార్యక్రమంలో సంఘం నాయకులు రాములు, సామెల్‌, ముసలయ్య, ఆశప్ప, యాదగిరి, బాబు, లక్ష్మీ, జ్యోతి, సీపీఐ నాయకులు రాములు, ప్రవీణ్‌ తదితరులు పాల్గొన్నారు.
మీ స్నేహితులకు రికమెండ్ చెయ్యండి
