నవతెలంగాణ-సుల్తాన్‌బజార్‌
ఎన్టీపీసీ జాతీయ ర్యాంకింగ్‌ ఆర్చరీ చాంపియన్‌షిప్‌లో మహారాష్ట్రకు చెందిన మిహిర్‌ నితిన్‌ అపర్‌ కంచు పతకం దక్కించుకున్నాడు. గచ్చిబౌలి మైదానంలో జరిగిన సబ్‌ జూనియర్‌ కాంపౌండ్‌ బాలుర విభాగంలో మూడో స్థానంలో నిలిచి ఈ పతకం సాధించాడు. గత ఆగస్టులో పోలాండ్‌లో జరిగిన ప్రపంచ యూత్‌ ఆర్చరీ చాంపియన్‌షిప్‌లోనూ అతడు బంగారు పతకం గెల్చుకున్నాడు. ఈ సందర్భంగా మిహిర్‌ నితిన్‌ అపర్‌ను ఇండియన్‌ మెడికల్‌ కౌన్సిల్‌ సభ్యుడు డాక్టర్‌ సారంగపాణి అభినందించారు. మిహిర్‌తో పాటు అతడి తండ్రిని సాదరంగా సత్కరించారు. కార్యక్రమంలో సారంగపాణి కుటుంబ సభ్యులతో పాటు సీనియర్‌ కార్టూనిస్ట్‌ నారూ, శ్రీనివాస్‌ తదితరులు పాల్గొన్నారు.
మీ స్నేహితులకు రికమెండ్ చెయ్యండి
