నవతెలంగాణ-బేగంపేట
సికింద్రాబాద్‌ శ్రీ విశ్వకర్మ సంఘం ఆధ్వర్యంలో ఆదివారం రంగవల్లి సంక్రాంతి ముగ్గుల పోటీలు నిర్వహించారు. సోమసుందరం వీధిలోని సంఘం భవనంలో నిర్వహించిన ఈ పోటీలకు ముఖ్య అతిథిగా హాజరైన సంఘ సలహాదారు కంజర్ల శ్రీనివాస చారి మాట్లాడుతూ సంఘం మహిళల ఐక్యతను చాటుతూ వారిలోని పోటీతత్వం, ప్రతిభను వెలికితీసేందుకు ప్రతి ఏడాదీ ఈ పోటీలను నిర్వహిస్తున్నట్టు తెలిపారు. ఈ సందర్భంగా పోటీలో గెలుపొందిన ప్రధమ బహుమతి జి.సౌమ్యకు రూ.3 వేలు, ద్వితీయ బహుమతి బి.ఐశ్వర్యకు రూ.2 వేలు, తృతీయ బహుమతి లక్ష్మీశ్రీకి రూ.12 వందలతోపాటు ప్రోత్సాహక బహుమతులను అందజే శారు. ఈ కార్యక్రమంలో సంఘం అధ్యక్షులు మోటుకూరి నాగభూషణం, కోశాధికారి దుందిగళ్ళ వెంకటేశం, ఉపా ధ్యక్షులు కటకం చక్రపాణి, సహాయ కార్యదర్శి చింతామణి నరేందర్‌, దర్మకంటా చైర్మెన్‌ గీర్మపురం భాస్కరచారి, కార్యదర్శి ఏ.సంతోష్‌, భవన కార్యదర్శి గోపాలాపురం ప్రకాష్‌, తంగలపల్లి దేవేందర్‌చారి, సహాయ కోశాధికారి శేరిపల్లి రమేష్‌, కార్యవర్గ సభ్యులు కార్వన్‌ వీరాంజ నేయులు, కొత్తూరు నరేందర్‌, పులిగిల్ల శ్రీనివాస్‌, కసాల సంపత్‌ రాజ్‌, ఎస్‌.లక్ష్మణ్‌, తదితరులు పాల్గొన్నారు.
