నవతెలంగాణ-మల్కాజిగిరి
పద్మశ్రీ నర్రా రవికుమార్‌చే స్థాపించిన ప్రబుద్ద భారత్‌ ఇంటర్నేషనల్‌ ఆధ్వర్యంలో ప్రతి వారం నిర్వహించే బాబా సాహెబ్‌ అంబేద్కర్‌కు పూల కార్యక్రమంను ఆదివారం మల్కాజిగిరిశాఖ ఇన్‌చార్జి దుర్గా ప్రసాద్‌ ఆధ్వర్యంలో అంబేద్కర్‌ విగ్రహానికి పూలమాల కార్యక్రమం నిర్వహిం చారు. ఈ కార్యక్రమానికి సీనియర్‌ జర్నలిస్టు పబ్బు మల్లేష్‌ గౌడ్‌ పాల్గొని అంబేద్కర్‌ విగ్రహానికి పూలమాల వేశారు. ఈ సందర్భంగా ఆయన మాట్లాడుతూ కుల సంఘాలను నడపడమే కాకుండా రాజ్యాంగాన్ని ఉపయోగించుకుని, కుల నిర్మూలనకు కృషి చేయడమే ఆ మహనీయుడికి ఇచ్చే ఘనమైన నివాళి అన్నారు. ఈ కార్యక్రమంలో రవి ప్రకాష్‌, బి.కీర్తన, బి.శ్రీతనరు, బీఎస్పీ నాయకులు రాజయ్య, ప్రబుద్ధ భారతి ఇంటర్నేషనల్‌ కో-ఆర్డినేటర్‌ ఎం.పరమేష్‌, పారిశ్రామికవేత్త రవి ప్రకాష్‌, రాజ్‌ కుమార్‌, మారుతి, కె.మల్లేష్‌, తదితరులు పాల్గొన్నారు.
