నవతెలంగాణ-మేడ్చల్‌ కలెక్టరేట్‌
గౌడ సంఘాలను బలోపేతం చేయాల్సిన అవసరం ఉందని రాష్ట్ర గౌడ సంఘం అధ్యక్షుడు పటేల్‌ వెంకటేష్‌ గౌడ్‌ అన్నారు. మంగళవారం రాంపల్లిలో నిర్వహించిన గౌడ సంఘం కార్యక్రమంలో నూతన గౌడ సంఘం కీసర మండల అధ్యక్షుడిగా దేశం వెంకటేష్‌ గౌడ్‌, ఉపాధ్యక్షుడిగా దేశం ఆంజయ్య గౌడ్‌ను ఎన్నుకున్నారు. ఈ సందర్భంగా అధ్యక్ష, కార్యదర్శులు మాట్లాడుతూ ప్రతి జిల్లా, మండల కేంద్రాల్లో గౌడ బిడ్డలందరూ ముందుకు వచ్చి సంఘాన్ని రాష్ట్ర వ్యాప్తంగా మరింత బలోపేతం చేసుకోవాలన్నారు. ఇప్పుడు చేస్తున్న సేవా కార్యక్రమాలతో పాటు మరెన్నో సేవా కార్యక్రమాలు చేయాలని పిలుపునిచ్చారు. ఈ సందర్భంగా కరీంగూడ కల్లు గీత పారిశ్రామిక సహకార సంఘం అధ్యక్షులు దేశం రవీందర్‌గౌడ్‌, కమిటీ సభ్యులు ఇరువురిని సన్మానించారు. ఈ కార్యక్రమంలో మేడ్చల్‌ జిల్లా అధ్యక్షులు మచ్చ సంతోష్‌ గౌడ్‌, జిల్లా ఆర్గనైజర్‌ మచ్చ పాండు, తదితరులు పాల్గొన్నారు.
