ప్రణాళిక సంఘం ఉపాధ్యక్షులు బోయినపల్లి వినోద్‌కుమార్‌
నవతెలంగాణ-జగద్గిరిగుట్ట
స్వచ్ఛంద సేవా సంస్థల సహకారం సమాజానికి ఎంతో అవసరమని రాష్ట్ర ప్రణాళిక సంఘం ఉపాధ్యక్షులు బోయినపల్లి వినోద్‌కుమార్‌ అన్నారు. హెల్పింగ్‌ హర్ట్స్‌ సొసైటీ ఆధ్వర్యంలో రూపొందించిన 2022 నూతన సంవత్సర క్యాలెండర్‌ను మంగళవారం ఆయన చేతుల మీదుగా ఆవిష్కరించారు. ప్రజలకు ప్రభుత్వ సహకారంతో పాటు ఇలాంటి సమాజ సేవకులు చేసే సేవలు కూడా తోడ్పాటుగా ఉంటాయన్నారు. కార్యక్రమంలో హెల్పింగ్‌ హర్ట్స్‌ సొసైటీ అధ్యక్షులు టి.విజరుకుమార్‌, సభ్యులు అరుణ్‌కుమార్‌, జాతీయ స్వచ్చంద సేవ సంస్థల నెట్‌వర్క్‌ ఫోరమ్‌ అధ్యక్షలు డాక్టర్‌ ఆరెపల్లి రాజేందర్‌, పీఎల్‌.ఫౌండేషన్‌ అధ్యక్షులు లక్ష్మయ్య, విద్యధరి ఫౌండేషన్‌ అధ్యక్షురాలు డి.వాణి తదితరులు పాల్గొన్నారు.
మీ స్నేహితులకు రికమెండ్ చెయ్యండి
