నవతెలంగాణ-బాలానగర్‌
రాష్ట్ర పోలీసు శాఖలో అత్యుత్తమ ప్రతిభ కనబరిచిన పలువురు పోలీస్‌ అధికారులు, కానిస్టేబుళ్లకు ప్రశాంసా పురస్కారాలను సైబరాబాద్‌ కమిషనరేట్‌ పరధిలో బాలా నగర్ జోన్‌ డిసీపీ జి.సందీప్‌ అందజేశారు. బాలానగర్‌ పోలీస్‌ స్టేషన్‌ పరిధిలో ఐదు పురస్కారాలు దక్కటం అభినందనీయమని డీసీపీ జి.సందీప్‌ అన్నారు. కేంద్ర ప్రభుత్వం ప్రకటించే గ్యాలంటరీ అవార్డుల మాదిరిగానే అత్యుత్తమ సర్వీసులు అందచేసే పోలీసు అధికారులకు రాష్ట్ర ప్రభుత్వం కొన్నేండ్లుగా అవార్డులను అందిస్తుందని చెప్పారు. నేడు ప్రకటించిన ఈ అవార్డుల్లో బాలానగర్‌ పోలీస్‌ స్టేషన్‌కు చెందిన ఐదుగురికి ఉత్తమ సేవా ప్రశ ంసా పురస్కారాలు కైవసం చేసుకోవడం ఎంతో సంతోషం కలిగించిందని సీఐ వహీదుద్దీన్‌ తెలిపారు. ఉత్తమ సెక్టార్‌ సబ్‌ ఇన్‌స్పెక్టార్‌గా ఎన్‌.రమేష్‌, డిటేక్టివ్‌ సబ్‌ ఇన్‌స్పెక్టర్‌గా ఖలీల్‌ పాషా ప్రశంసాపత్రాన్ని అందుకోగా, 5 ఎస్‌ టెక్నికల్‌ విభాగంలో విధులు నిర్వహిస్తున్న మహిళా కానిస్టేబుల్‌ షహీన్‌ అక్తర్‌, పెట్రో కార్‌ విభాగంలో బాలానగర్‌ స్టేషన్‌కి చెందిన పెట్రో కార్‌-1 లో విధులు నిర్వహిస్తున్న కానిస్టే బుల్‌ జకీర్‌, బి.రాజు, ఉత్తమ క్రైమ్‌ రైటర్‌గా మహమ్మద్‌ ఇలియాస్‌ ప్రశంసాపత్రాలను అందుకున్నారు. అనంతరం సీఐ వహిదుద్దీన్‌ మాట్లాడుతూ సేవ పత్రాలు అందుకున్న వారికి శుభాకాంక్షలు తెలుపుతూ భవిష్యత్‌లో మరిన్ని పతకాలను సాధించాలని ఆకాంక్షించారు.
