పరామర్శించిన డీజీపీ
నవతెలంగాణ-బేగంపేట్‌
ములుగు జిల్లా, వెంకటాపురం మండలం, కర్రెగుట్టలో పోలీసులు, మావోయిస్టులకు మధ్య జరిగిన ఎదురు కాల్పుల ఘటనలో తీవ్రంగా గాయపడిన గ్రేహౌండ్స్‌ జవాన్‌ మధును ప్రత్యేక హెలికాప్టర్‌లో సికింద్రాబాద్‌ యశోద ఆస్పత్రికి తరలించారు. చికిత్స పొందుతున్న బాధితున్ని డీజీపీ మహేందర్‌రెడ్డి పరామర్శించారు. ఐజీ ప్రభాకర్‌రావు, ఇంటెలిజెన్స్‌ చీఫ్‌ అనిల్‌కుమార్‌, పోలీస్‌ ఉన్నతాధికారులు ఉన్నారు. జవాన్‌ ఆరోగ్య పరిస్థితిని పోలీస్‌ ఉన్నతాధికారులు ఎప్పటికప్పుడు డాక్టర్లను అడిగితెలుసుకుంటున్నారు. పరిస్థితి విషమంగా ఉన్నట్టు డాక్టర్లు పేర్కొన్నారు. చికిత్స అందిస్తున్నారు.
మీ స్నేహితులకు రికమెండ్ చెయ్యండి
