నివాళులర్పించిన నగర టీడీపీ నాయకులు
ఎన్టీఆర్‌కు భారతరత్న ఇవ్వాలని డిమాండ్‌
నవతెలంగాణ-సిటీబ్యూరో
తెలుగుదేశం పార్టీ వ్యవస్థాపక అధ్యక్షులు, ఉమ్మడి రాష్ట్ర మాజీ ముఖ్యమంత్రి నందమూరి తారక రామారావు 26వ వర్ధంతిని మంగళవారం టీడీపీ సికింద్రాబాద్‌ పార్లమెంట్‌ నియోజకవర్గ అధ్యక్షులు పి.సాయిబాబా నేతృత్వంలో నిర్వహించారు. టీడీపీ జిల్లా కార్యాలయంలో ఏర్పాటు చేసిన కార్యక్రమంలో ఎన్టీఆర్‌ విగ్రహానికి పూలమాల వేసి ఘనంగా నివాళులు అర్పించారు. సాయిబాబా మాట్లాడుతూ.. ఎన్టీఆర్‌ ఆశయసాధనకు పాటుడతా మన్నారు. పార్టీ అభివృద్ధికి ప్రతి కార్యకర్త కృషిచేయాలని సూచించారు. ఎన్టీఆర్‌కు భారతరత్న ఇవ్వాలని డిమాండ్‌ చేశారు. ఈ కార్యక్రమంలో వర్కింగ్‌ ప్రసిడెంట్‌ నల్లేల్ల కిషోర్‌, ప్రధాన కార్యదర్శులు పి.బాలరాజ్‌గౌడ్‌, రాజచౌదరి, రాష్ట్ర అధికార ప్రతినిధి శ్రీనివాస్‌ నాయుడు, రాష్ట్ర కార్యనిర్వహక కార్యదర్శి పెద్దోజు రవీంద్రాచారి, తెలుగుమహిళా అధ్యక్షురాలు సీిహెచ్‌ విజయశ్రీ, యాదగిరిరావు, జగదీష్‌గౌడ్‌, మల్లిఖార్జున్‌, శక్తిప్రేమ్‌, జోగిందర్‌ సింగ్‌, శివకుమార్‌ తదితరులు పాల్గొన్నారు.
