నవతెలంగాణ-కల్చరల్‌
బలిజెపల్లి లక్ష్మీకాంత కవి రచించిన 'సత్య హరిచంద్రీయం' పౌరాణిక పద్య నాటకం ప్రదర్శన శ్రీత్యాగరాయ గాన సభలోని కళా సుబ్బారావు కళావేదికపై ఆదివారం అజాదీ కా అమతోత్సవ్‌, కుష్టు నివారణ పక్షం నిర్వహణలో తెలంగాణ భాషా సాంస్కతిక శాఖ సౌజన్యంతో ప్రదర్శించారు. హరిచంద్రగా జీడీ నాయుడు, చంద్రమతిగా సాయి లక్ష్మీ చాగంటి, బాల కౌశికునిగా జంగయ్య గౌడ్‌, నక్షత్రకునిగా నారాయణ స్వామి, లోహితునిగా మాస్టర్‌ షరీఫ్‌ లతో పాటు ఇతర పాత్రలలో నటించిన నటులు పాత్రోచితంగా నటించి నాటకాన్ని రక్తి కట్టించారు. సంగీతం నామ చంద్రబాబు నాయుడు అందించారు. అనంతరం జరిగిన సభా కార్యక్రమంలో ముఖ్య అతిథిగా జబర్దస్త్‌ ఫేమ్‌ అప్పారావు పాల్గొని కళాకారులను అభినందించారు. నటులు వల్లూరి శ్రీహరి రావు, స్నేహాలయ ఆర్ట్స్‌ డి. హనుమంతరావు సభలో పాల్గొన్నారు.