నవతెలంగాణ-కూకట్‌పల్లి
ప్రెసిడెంట్‌ పోలీస్‌ మెడల్‌ సాధించిన పలువురు పోలీస్‌ (రైల్వే, సీబీఐలో పనిచేస్తున్న) అధికారుల ఆత్మీయ కలయిక కార్యక్రమంలో కూకట్‌పల్లి ఎమ్మెల్యే మాధవరం కష్ణారావు పాల్గొని మాట్లాడుతూ, దేశానికి సైన్యం, పోలీసులు అందిస్తున్న సేవలను కొనియాడారు. దేశ సరిహద్దుల్లో అనునిత్యం పోరాడుతున్న సైనికుల త్యాగాలను, పోలీసుల శౌర్య పరాక్రమాలను మీడియా జాతీయ స్థాయిలో ప్రచారం కల్పించడం ద్వారా దేశ పౌరుల్లో స్ఫూర్తిని నింపి దేశభక్తిని పెంపొందించాల్సిన అవసరం ఉందన్నారు. ఆనంతరం ప్రెసిడెంట్‌ మెడల్‌ సాధించిన ఇన్‌స్పెక్టర్లు ఉడుగు నర్సింహ, చక్రవర్తిలను ఘనంగా సన్మానించారు. పోలీస్‌ అధికారులతో కలసి తనదైన శైలిలో దేశ భక్తి గీతాలు పాడిన ఎమ్మెల్యే మాధవరం కష్ణారావు అందరిలో నూతనోత్సాహం నింపారు. కార్యక్రమలో కూకట్‌పల్లికి చెందిన ప్రముఖ బిల్డర్‌ వర్టెక్స్‌ వర్మ, తూముకుంట మున్సిపల్‌ చైర్మెన్‌ కారంగుల రాజేశ్వర్‌రావులతో పాటు, పోలీసు అసిస్టెంట్‌ కమిషనర్‌ సతీశ్‌ ప్రభు, ఉజ్వల్‌ దాస్‌, ఆర్‌పిఎఫ్‌ ఇన్‌స్పెక్టర్లు రమేష్‌, సుధాకర్‌, చటర్జీ, మనోజ్‌ కష్ణ, స్థానికులు తులసీరావు, శ్యామలరాజు పాల్గొన్నారు.
