నవతెలంగాణ-కంటోన్మెంట్‌
'ఓ వ్యక్తి హఠాత్తుగా కింద పడిపోయి గిలాగిలా కొట్టుకోవడాన్నే ఎపిలెప్సీ (ఫిట్స్‌) మూర్చ వ్యాధి అని కూడా అంటారు. మెదడులో కొన్ని సమస్యల వల్ల ఈ వ్యాధి వస్తుంది. మెదడులో విద్యుత్‌ ప్రవాహాలు పోతూ ఉంటా యి. ఈ విద్యుత్‌ ప్రవాహాల్లో కాస్త హెచ్చు తగ్గులు అయితే ఫిట్స్‌ వస్తుంది' అని డాక్టర్‌ విజరుకుమార్‌ బొడ్డు, కన్సల్టెంట్‌ న్యూరో ఫిజీషియన్‌, రెనోవా హాస్పిటల్స్‌, కొంపల్లి తెలిపారు. మూర్ఛ వ్యాధి గురించి సాధారణ ప్రజ లు అవగాహన పెంచుకోవాల్సిన అవసరం ఉందని తెలి పారు. ప్రపంచవ్యాప్తంగా దాదాపు ఏడు కోట్ల మంది ఈ వ్యాధితో బాధపడుతున్నారని పలు నివేదికలు చెబుతున్నా యి. ప్రపంచవ్యాప్తంగా దాదాపు వెయ్యిమందిలో 5-9 మంది ఈ వ్యాధి బారిన పడుతున్నారని నివేదికలు చెబుతు న్నాయి. అభివృద్ధి చెందిన దేశాలతో పోలిస్తే భారతదేశం లాంటి అభివృద్ధి చెందుతూ ఉన్న దేశాల్లో దీని ప్రభావం ఎక్కువగా ఉంది. మన దేశంలో ప్రతి వెయ్యి మంది జనాభాకు 3-12 మంది మూర్ఛ వ్యాధితో బాధపడుతు న్నారు. ఈ వ్యాధి పట్టణాల్లో కంటే గ్రామీణ ప్రాంతాల్లోనే ఎక్కువగా ఉన్నట్టు నివేదికలు చెబుతున్నాయి. స్త్రీలతో పోలిస్తే పురుషులలో ఎక్కువగా ఉన్నట్టు వైద్య నిపుణులు చెప్తున్నారు. జీవన విధానం మారడం, నిరుద్యోగం, వైవాహిక, గర్భధారణ సంబంధిత సమస్యలు, ఆందోళన, నిరాశ వంటి ప్రధాన మానసిక, సామాజిక సమస్యలతో ఈ వ్యాధి ముడిపడి ఉంటుందని శాస్త్రవేత్తలు చెబుతు న్నారు. వృద్ధులు, పిల్లల్లో ఎక్కువగా ఈ వ్యాధి వస్తుందని.. సరైన సమయంలో వైద్యం అందితే వ్యాధిని జయించవచ్చని వైద్య నిపుణులు పేర్కొంటున్నారు. నవజాత శిశువులు ఈ వ్యాధి బారిన పడితే పెరినాటల్‌ గాయం, శ్వాసకోశ బాధ, హైపో గ్లైసీమియా, హైపో కాల్సెమియా, మెదడు ఇన్ఫెక్షన్లు, రక్తస్రావం వంటివి జరుగుతాయని వైద్య నిపుణులు చెబు తున్నారు. పాఠశాలకు వెళ్లే పిల్లలు, కౌమార దశలో ఉన్నవా రిలో జన్యుపరమైన సాధారణ మూర్ఛలు వస్తున్నాయి. న్యూరో సిస్టిసెర్కోసిస్‌ వంటి పరాన్నజీవి ఇన్ఫెక్షన్లు భారతీయ పిల్లలలో సాధారణం. యుక్త వయస్సు, యువకుల్లో టెంపోరల్‌ లోబ్‌ ఎపిలెప్సీలు సాధారణం. వృద్ధులకు స్ట్రోక్స్‌, తల గాయాలు, మెదడులో కణతులు ఏర్పడినప్పుడు ఈ వ్యాధి బారిన పడతారని శాస్త్రవేత్తలు చెబుతున్నారు. కొంతమంది పిల్లలు న్యూరో కాగ్నిటివ్‌ క్షీణతతో కూడిన ఎపిలెప్టిక్‌ ఎన్సెఫలోపతిని కలిగి ఉండవ చ్చు. మూర్ఛ వ్యాధి రకాన్ని నిర్ధారించాలంటే వ్యాధి అభివృద్ధి చరిత్ర, ప్రారంభ వయస్సు, దాని ఫ్రీక్వెన్సీ తెలుసుకోవడం అవసరం. వీటితో పాటు ఎలక్ట్రో ఎన్సెఫలోగ్రామ్‌, ఎంఆర్‌ఐ ద్వారా వ్యాధి కారణాలను గుర్తించవచ్చు. పరిస్థితి తీవ్రమైనప్పుడు మెదడులోని ఎపిలెప్టిక్‌ డిశ్చార్జెస్ను స్టెబిలైజ్‌ చేయడానికి వీడియో ఈఈజీ అబ్జర్వేషన్‌ అవసరం పడుతుంది. వ్యాధి వచ్చిన తర్వాత దాని పర్యవసానాలు ఎలా ఉంటాయనే విష యాలు వ్యాధి ఫ్రీక్వెన్సీపై ఆధారపడి ఉంటుంది. దీని నివారణకు అనేక రకాల యాంటీ ఎపిలెప్టిక్‌ మందులు అందుబాటులో ఉన్నాయి. రోగి వయసును బట్టి మందు లను ఎంచుకోవాలి. స్టాండర్డ్‌ యాంటీ ఎపిలెప్టిక్‌ చికిత్సకు స్పందించడంలో విఫలమైన రోగులు వక్రీభవన మూర్ఛను కలిగి ఉంటారని శాస్త్రవేత్తలు చెబుతున్నారు. వక్రీభవన మూర్ఛ ఉన్న రోగులకు మూర్ఛ శస్త్రచికిత్స, నరాల ప్రేరణ, కీటోజెనిక్‌ ఆహారం తీసుకుంటే వ్యాధి బారి నుంచి బయటపడొచ్చు. గర్భధారణ సమయంలో మూర్ఛ వ్యాధిపై జాగ్రత్తలు తీసుకోవాలి. యాంటెనాటల్‌ పర్యవే క్షణతో సురక్షితమైన మందులను ఎంచుకోవాలి. మూర్ఛ వ్యాధికి చికిత్స చేసిన తర్వాత.. మానసిక సామాజిక సమస్యలను నియంత్రణలో ఉంచుకోవాలి. మూర్చ రోగుల్లో విశ్వాసాన్ని నింపేందుకు న్యూరో సైకలాజికల్‌ కౌన్సెలింగ్‌ సహాయపడుతుంది. ఆందోళన, నిరాశ, జీవన నాణ్యత స్థాయిలను విశ్లేషించి చికిత్స చేయాలి. దీనికి సైకియాట్రిస్టులు, న్యూరో సైకాలజిస్ట్ల అవసరం పడొచ్చు. మూర్ఛ వ్యాధి బారిన పడ్డ వారు డ్రైవింగ్‌ చేయడం, ఈత కొట్టడం, ఎత్తైన ప్రదేశాల్లో పని చేయడం లాంటివి మాను కోవాలి. ఇంట్లో మూర్ఛ వచ్చినప్పుడు పక్కనే ఉన్నవారు భయపడకుండా రోగి అవయవాలను గట్టిగా పట్టుకుని నియంత్రించవచ్చు. ఒక వ్యక్తికి మొదటిసారిగా మూర్చ వ్యాధి వస్తే ఆ కదలికలను మొబైల్‌ ఫోన్లో రికార్డ్‌ చేసి డాక్టర్‌కు చూపితే చికిత్సలో సహాయపడుతుంది. 5 నిమిషాల కంటే ఎక్కువ మూర్ఛ వ్యాధి బారిన పడితే రోగికి వెంటనే హాస్పిటల్లో చేర్చి చికిత్స చేయించాల్సిన అసవరం ఉంటుంది. మందుల వాడకాన్ని బట్టి మూర్ఛ వ్యాధి రకం మారుతూ ఉంటుంది. కనీసం మూడేండ్లపాటు మూర్ఛ లేకుండా చికిత్స తీసుకుంటున్న రోగుల్లో వ్యాధి తగ్గు ముఖం పడుతోందని వైద్య నిపుణులు చెబుతున్నారు. న్యూ రాలజిస్ట్‌ పర్యవేక్షణలో చికిత్స పొందితే వ్యాధి బారి నుంచి బయటపడొచ్చు. వ్యాధి తీవ్రత ఎక్కువున్న రోగులకు జీవితాంతం మందులు వాడాల్సిన అవసరం ఉంటుంది.