నవతెలంగాణ-అడిక్‌మెట్‌
రజకులను ఎస్సీ జాబితాలో చేర్చాలని మనరజక సంఘం రాష్ట్ర ఉపాధ్యక్షులు పెద్ద ఊరె బ్రహ్మయ్య కోరారు. ఆదివారం రజక సంఘం రాష్ట్ర కార్యాలయంలో మనరజక సంఘం రాష్ట్ర నూతన కమిటీని ఎన్నుకున్నారు. జాతీయ రజక సంఘాల కో-ఆర్డినేటర్‌ మల్లేష్‌ కుమార్‌, రాష్ట్ర అధ్యక్షుడు మచ్చర్ల ఉప్పలయ్య నూతన రాష్ట్ర ఉపాధ్యక్షుడిగా పెద్దవూరె బ్రహ్మయ్యను ఎన్నుకుని నియామక పత్రం అందజేశారు. అనంతరం వారు మాట్లాడుతూ రజకులు అనేక సమస్యలతో ఇబ్బందులు పడుతున్నారని ఆవేదన చెందారు. రజకులను ఎస్సీ జాబితాలో చేర్చలని కోరారు. తెలంగాణ రాష్ట్ర రజకుల సంక్షేమం అభివద్ధి హక్కుల సాధన ఎస్సీ రిజర్వేషన్‌ అమలు కోసం నిరంతరం పోరాటం చేస్తామని తెలిపారు. కార్యక్రమంలో రజక సంఘం నాయకులు పాల్గొన్నారు.