నవతెలంగాణ-సిటీబ్యూరో
మార్చి 8న అంతర్జాతీయ మహిళా దినోత్సవం నేపథ్యంలో నగర షీ బృందాల నేతృత్వంలో షీ రన్‌ను ఏర్పాటు చేశారు. ఆదివారం 6న ఉదయం పీపుల్స్‌ ప్లాజాలో 2కే, 5కే పేరుతో రెండు రన్లను నిర్వహిస్తున్నట్టు నగర పోలీస్‌ కమిషనర్‌ సీవీ ఆనంద్‌ గురువారం తెలిపారు. నెక్లెస్‌ రోడ్డులో ఉదయం 5:30గంట నుంచి రన్‌ ప్రారంభం అవుతుందన్నారు. రన్‌లో పాల్గొనాలనుకునేవారు తమ పేర్లను ఆన్‌లైన్‌ ద్వారా రిజిస్ట్రేషన్‌ చేసుకోవాలని సూచించారు. 'డబ్ల్యూడబ్య్లూడబ్య్లూ.ఇన్‌ఎఫ్‌ఇన్‌ఎస్‌.ఇన్‌' వెబ్‌సైట్‌ ద్వారా మార్చి 5వ తేదీ సాయంత్రం 6 గంటలలోపు తమ పేర్లను రిజిస్ట్రేషన్‌ నమోదు చేసుకోవాలని కోరారు.
మీ స్నేహితులకు రికమెండ్ చెయ్యండి
