- హైదరాబాద్ జిల్లా న్యాయ సేవాధికార సంస్థ ఆధ్వర్యంలో నిర్వహణ
నవతెలంగాణ-సిటీబ్యూరో
ప్రపంచ ఆరోగ్య దినోత్సవం సందర్భంగా హైదరాబాద్ జిల్లా న్యాయ సేవాధికార సంస్థ, సిటీ సివిల్‌ కోర్టు ఆధ్వర్యంలో ఎంఎన్‌జే కాన్సర్‌ ఆసుపత్రి సహకారంతో ఎర్రగడ్డ మానసిక వైద్యశాలలోని రోగులకు గురువారం ఉచిత కాన్సర్‌ పరీక్షలు నిర్వహించారు. ఈ సందర్భంగా ఆరోగ్య అవగాహన సదస్సు, ఆరోగ్య ఆవశ్యకత ర్యాలీని నిర్వహించారు. ఈ కార్యక్రమంలో సీనియర్‌ సివిల్‌ జడ్జి, సిటీ సివిల్‌ కోర్టు జిల్లా న్యాయ సేవాధికార సంస్థ కార్యదర్శి కె.మురళీమోహన్‌, ఐఎంహెచ్‌ సూపరింటెండెంట్‌ ఉమాశంకర్‌, ఆర్‌ఎంఓ మనోహర్‌, డిప్యూటీ డీఎంహెచ్‌ఓ వెంకటేశ్వరరావు, ఎంఎన్‌జే కాన్సర్‌ హాస్పిటల్‌ వైద్యులు డా.సౌజన్య తదితరులు పాల్గొన్నారు. సిబ్బందికి, రోగుల కుటుంబ సభ్యులకు ఆరోగ్య పరిరక్షణ, కాన్సర్‌ నివారణపై అపగాహన కల్పించారు.
మీ స్నేహితులకు రికమెండ్ చెయ్యండి
