నవతెలంగాణ-ధూల్‌పేట్‌/అంబర్‌పేట/అడిక్‌మెట్‌
రంజాన్‌ పండుగను ముస్లిం సోదరులు మంగళవారం ఘనంగా జరుపుకున్నారు. పాతబస్తీ నుంచే కాకుండా నగరం నలుమూలల నుంచి ముస్లింలు పెద్దసంఖ్యలో తరలి రావడంతో మీరాలం ఈద్గా మైదానం కిక్కిరిసిపోయింది. తాడ్‌బన్‌ చౌరస్తా నుంచి బహదూ రపురా చౌరస్తా వరకు వరుసలు తీరి నమాజు చేశారు. అనంతరం స్నేహితులు, బంధుమిత్రులతో కలిసి ఆనంద ంగా ఆలింగనాలు చేసుకొని ఒకరికొకరు శుభాకాంక్షలు తెలుపుకున్నారు. మక్కామజీదు ఇమామ్‌ మౌలానా సయ్య ద్‌ రిజ్వాన్‌ ఖురేషీ, మౌలానా ఖాలిద్‌ సైఫుల్లా రహ్మాని, మౌలానా జాఫర్‌ పాషా హుస్సామిలు రంజాన్‌ పర్వదిన విశేషాలను వినిపించారు. హైదరాబాద్ ఎంపీ అసదుద్దీన్‌ ఒవైసీ తన కుమారునితో కలిసి ఈద్గాలో నమాజ్‌ చేశారు.
ప్రత్యేక ఏర్పాట్లు చేసిన ప్రభుత్వం
మీరాలం ఈద్గాలో జరిగిన రంజాన్‌ ప్రత్యేక ప్రార్థనల కోసం వేలాదిగా తరలివచ్చిన ముస్లింలకు ఎలాంటి అసౌకర్యం కలుగకుండా వాటర్‌ వర్క్స్‌, బల్దియా, ట్రాఫిక్‌ అధికారులు ప్రత్యేక ఏర్పాట్లు చేశారు. ఎలాంటి అవాంఛ నీయ ఘటనలు తలెత్తకుండా దక్షిణ మండలం పోలీసులు గట్టి పోలీస్‌ బందోబస్తు ఏర్పాట్లు చేశారు. ఈ ఏర్పాట్లను నగర పోలీస్‌ కమిషనర్‌ సీవీ ఆనంద్‌ పర్యవేక్షించారు. దక్షిణ మండలం డీసీపీ సాయి చైతన్య, చార్మినార్‌ ఏసీపీ బిక్షంరెడ్డి, బహదూర్‌ పురా, కామాటిపురా, కాలాపత్తర్‌ ఇన్‌స్పెక్టర్‌ ఆధ్వర్యంలో బందోబస్తును నిర్వహించారు.
మత సామరస్యానికి ప్రతీక రంజాన్‌
రంజాన్‌ పండుగ మత సామరస్యానికి ప్రతీకంగా నిలుస్తుందని అంబర్‌పేట ఎమ్మెల్యే కాలేరు వెంకటేష్‌ అన్నారు. మంగళవారం అంబర్‌పేట మున్సిపల్‌ గ్రౌండ్‌లో ఏర్పాటు చేసిన సామూహిక ప్రార్థనలలో జీహెచ్‌్‌ఎంసీ స్టాండింగ్‌ కమిటీ సభ్యుడు, అంబర్‌పేట డివిజన్‌ కార్పొ రేటర్‌ ఇ.విజరు కుమార్‌గౌడ్‌, టీఆర్‌ఎస్‌ సీనియర్‌ నాయ కులు దూసరి శ్రీనివాస్‌గౌడ్‌ లతో కలిసి పాల్గొని ముస్లిం లకు రంజాన్‌ శుభాకాంక్షలు తెలిపారు. ఈ సందర్భంగా ఎమ్మెల్యే మాట్లాడుతూ పవిత్ర రంజాన్‌ పండుగ ఉపవాసాలను ముస్లిం సోదరులు ఎంతో నిష్టతో చెస్తారని అన్నారు. తెలంగాణ ముఖ్యమంత్రి కేసీఆర్‌ ప్రభుత్వం మైనార్టీలకు రంజాన్‌ కానుకలు పంపిణీ చేయడమే కాకుండా ఇఫ్తార్‌ విందులు ఏర్పాటు చేశారని చెప్పారు. కార్యక్రమంలో టీఆర్‌ఎస్‌ నాయకులు సిద్ధార్‌ ముదిరాజ్‌, జాఫర్‌, లింగారావు, మహేష్‌ ముదిరాజ్‌, మోసిన్‌, మహేష్‌ ముదిరాజ్‌, రఫీక్‌, తిరుపతి, యూసఫ్‌బాబా, హైమద్‌, వేణు. గుర్ర సాయి, సంతోష్‌చారి పాల్గొన్నారు.
టీఆర్‌ఎస్‌ సీనియర్‌ నాయకులు జహంగీర్‌, ఖాదీర్‌ నివాసంలో రంజాన్‌ పండుగను మంగళవారం ఘనంగా జరుపుకున్నారు. ఈ కార్యక్రమానికి ముషీరాబాద్‌ ఎమ్మెల్యే ముఠా గోపాల్‌ హాజరై రంజాన్‌ ప్రత్యేక వంటకం అయినటువంటి షీర్‌ కుర్మాను ముస్లిం పెద్దలతో కలిసి పంచుకున్నారు. కార్యక్రమంలో టీఆర్‌ఎస్‌ యువ నాయకుడు ముఠా జై సింహ, డివిజన్‌ అధ్యక్షులు బల్ల శ్రీనివాసరెడ్డి తదితరులు పాల్గొన్నారు.
