- ఆలస్యం సమయంలో 5 నిముషాల సడలింపు
నవతెలంగాణ-హయత్‌నగర్‌
              తెలంగాణ రాష్ట్ర వ్యాప్తంగా నేటి నుంచి 10వ తరగతి పరీక్షలు ఉంటాయని హయత్‌నగర్‌, అబ్దుల్లాపూర్‌మెట్‌ మండ లాల మండల విద్యాధికారి హీర్యా నాయక్‌ తెలిపారు. ఈ సందర్భంగా ఆయన నవతెలంగాణతో మాట్లాడుతూ రెండు మండలాల్లో 40 పరీక్ష కేంద్రాలు ఉన్నాయని, అందులో 9 ప్రభుత్వ పాఠ శాలలు, 31 ప్రయివేటు పాఠశాలలు ఉన్నాయన్నారు. 6460 మంది విద్యార్థులు పరీక్షలు రాస్తున్నారని, ప్రతి పరీక్ష కేంద్రంలో సీసీ కెమెరాలు ఉన్నాయని, క్వశ్చన్‌ పేపర్‌ తెరిచేటప్పుడు కెమెరాలు ఆన్‌లో ఉంచాలన్నారు. కోవిడ్‌ నిబంధనల మేరకు పరీక్షా కేంద్రాలు శుభ్రం చేశామని, ప్రతి విద్యార్థి అట్టి నిబంధనలు పాటించాలని కోరారు. పరీక్ష రాసే వారు కేంద్రానికి 9గంటలకు చేరుకోవాలని, కేవలం ఆలస్యం అయితే 5నిముషాలు వరకే సడలింపు ఉంటుందని చెప్పారు.