- కబేళా స్లాటర్‌ హౌజ్‌ గేట్‌వద్ద సీఐటీయూ ఆధ్వర్యంలో ఆందోళన
నవతెలంగాణ-ధూల్‌పేట్‌
జియాగూడ కబేళా ఆధునీకరణ పనులు వెంటనే చేపట్టాలని హైదరబాద్‌ స్లాటర్‌ హౌజ్‌ అధ్యక్షులు వి.ప్రమోద్‌ కుమార్‌, సీఐటీయూ హైదరబాద్‌ సౌత్‌ జిల్లా కార్యదర్శి పి.నాగేశ్వర్‌ డిమాండ్‌ చేశారు. ఈ మేరకు బుధవారం పనులు బందు చేసి హైదరాబాద్ స్లాటర్‌ హౌజ్‌ గేట్‌ వద్ద ఆందోళన నిర్వహించారు. ఈ సందర్భంగా వారు మాట్లాడుతూ.. ఎక్కడి కబేళాలను అక్కడే ఆధునీకరించాలని హైకోర్టు ఉత్తర్వులు జారీచేసినప్పటికీ నిర్లక్ష్యం జరుగుతోందన్నారు. 2016లో రాష్ట్ర ప్రభుత్వం రూ. 60 కోట్లు విడుదల చేస్తామని హామీ ఇచ్చిందని గుర్తు చేశారు. తిరిగి 2018లో ఆరెకటిక కో ఆపరేటివ్‌ మ్యూచువల్‌ ఎడిట్‌ సొసైటీ వీటిలో తలదూర్చి సొసైటీని నడిపించేందుకు అనుమతులు కోరిందన్నారు. అందుకు ప్రభుత్వం విచారించి పిపిపి పద్ధతిన ఇచ్చేందుకు సిద్ధపడటాన్ని సీఐటీయూ, ఇతర సంఘాలు వ్యతిరేకించాయన్నారు. కబేళ ఆధునీకరణ పనులు పనులు చేపట్టాలన్నారు. ఈ కార్యక్రమంలో సీఐటీయూ నాయకులు చుక్క నర్సింహా, చర్మకారుల సంఘం నాయకులు శశికాంత్‌, నరేందర్‌, సాయికుమార్‌, గురుచరణ్‌, నరేష్‌, పాల్గొన్నారు.
