నవతెలంగాణ-కాప్రా
ఏఎస్‌ రావు నగర్ ఎన్‌ఆర్‌ఐల నేతృత్వంలో లినెస్‌కాఫీ, మ్యాగీ హాట్‌స్పాట్‌ నులి మల్లాపూర్‌ కార్పొరేటర్‌ స్టాండింగ్‌ కమిటీ మెంబర్‌ పన్నాల దేవేందర్‌ రెడ్డి, మాజీ కార్పొరేటర్‌ కొత్త రామారావు తో కలిసి ప్రారంభించిన ఉప్పల్‌ ఎమ్మెల్యే బేతి సుభాష్‌ రెడ్డి. నగర జీవనంలో అమెరికా కల్చర్‌కు మరోసారి తెరలేపారు. ఐదుగురు యువకులు, నెస్‌కాఫీ, మ్యాగీల ఐక్య ఒప్పందం మేరకు సిటీలో ఐదు స్టాల్స్‌ ప్రారంభించడానికి తలపెట్టారు. ఇటీవ లే అమెరికా నుంచి వచ్చిన దేవరకొండ ప్రీతమ్‌ తదితరులు ఇసీఐఎల్‌, ఏఎస్‌రావునగర్‌లోని రాధికా థియేటర్‌ సమీపంలో ఈ మేరకు ఏర్పాటు చేసిన మ్యాగీ, నెస్‌కాఫీ స్టాల్‌ను శుక్రవార ఉప్పల్‌ ఎమ్మెల్యే బేతి సుభాష్‌రెడ్డి ప్రారం భించారు. ఈ ప్రాంఛైజ్‌ కింద మిగతా నాలుగింటిని గచ్చి బౌలి, హైటెక్‌సిటీ, జూబ్లిహిల్స్‌, కొత్తపేట ప్రాంతాల్లో ఏర్పాటు చేస్తున్నామని తెలిపారు. సిరికొండ వినరుకు మార్‌, ప్రియాంక, తిప్పర్తి సుహాన్‌, శ్రవన్‌ వనపర్తి,సుచేత గొల్లపల్లి డైరెక్టర్లుగా ఉన్నారని మేనేజింగ్‌ డైరెక్టర్‌ దేవరకొండ ప్రీతమ్‌ తెలిపారు. యువకుల కోసం మ్యాగీలో 25 వెరైటీలు, కాఫీలో 20 వెరైటీలు లభిస్తాయన్నారు. సాఫ్ట్‌వేర్‌ ఉద్యోగులు, విద్యార్థులు, యువకుల అభిరుచికి అనుగుణంగా ఈ సెంటర్లు పని చేస్తాయని ప్రీతమ్‌ తెలిపారు. ఏఎస్‌ రావు నగర్ డివిజన్‌ టీఆర్‌ఎస్‌ అధ్యక్షుడు కాసం మైపాల్‌ రెడ్డి, బేతాళ బాలరాజ్‌, సుడుగు మహేందర్‌ రెడ్డి, తదితరులు పాల్గొన్నారు.
