- బోడుప్పల్‌ కార్పొరేషన్‌ మేయర్‌ సామల బుచ్చిరెడ్డి
నవతెలంగాణ-బోడుప్పల్‌
క్రీడలతో శారీరక, మానసిక ఉల్లాసం కలుగు తుందని, అందుకే తెలంగాణ రాష్ట్ర ప్రభుత్వం క్రీడా మైదానాలకు అధిక ప్రధాన్యత కల్పిస్తుందని బోడుప్పల్‌ కార్పొరేషన్‌ మేయర్‌ సామల బుచ్చిరెడ్డి అన్నారు. గురువారంనాడు కార్పొరేషన్‌ పరిధిలో నూతనంగా నిర్మించిన ఆట మైదానాలను స్థానిక కార్పొరేటర్లతో కలిసి ప్రారంభించారు. ఈ సందర్భం గా ఆయన మాట్లాడుతూ ప్రతి ఒక్కరూ క్రమం తప్పకుండా వ్యాయామం చేయాలని అప్పుడే సంపూర్ణ ఆరోగ్యంతో ఉంటారని తెలిపారు. 26వ డివిజన్‌లో ఏర్పాటు చేసిన ఆట మైదానాన్ని బోడుప్పల్‌ కార్పొరేషన్‌ కార్పొరేటర్‌ సింగిరెడ్డి పద్మారెడ్డి తన తల్లిదండ్రుల జ్ఞాపకార్థం గ్రౌండ్‌ ఏర్పాటు చేశారని తెలిపారు. 17వ డివిజన్‌లో మాజీ ఉప సర్పంచ్‌ బొమ్మకు గోపీినాధ్‌ స్మారకార్ధం కార్పొరేటర్‌ కళ్యాణ్‌ కుమార్‌ ఏర్పాటు చేయగా, 16వ డివిజన్‌లో సామల మనోహర్‌ రెడ్డి క్రీడా మైదానాన్ని ఏర్పాటు చేసినట్లు అధికారులు తెలిపారు. ఈ కార్యక్రమం లో డిప్యూటీ మేయర్‌ కొత్త లక్మ్షీగౌడ్‌, కార్పొరేటర్లు సింగిరెడ్డి పద్మారెడ్డి, పోగుల నరసింహారెడ్డి, బొమ్మకు కళ్యాణ్‌ కుమార్‌, పొద్దుటూరి శోభారాణి, మొదుగు లావణ్య, పులకండ్ల హేమలతారెడ్డి, డీఈ కుర్మయ్య, మేనేజర్‌ మంజులత తదితరులు పాల్గొన్నారు.
