నవతెలంగాణ-కంటోన్మెంట్‌
స్వాతంత్ర సమరయోధుడు, మాజీ మంత్రి, మాజీ ఎంపీ అరిగే రామస్వామి మెమోరియల్‌ ట్రస్ట్‌ అధ్వర్యంలో కంటోన్మెంట్‌ బోయినపల్లి క్రీడా మైదానంలో ఈనెల 24వ తేదీ నుంచి 3 రోజులు జిల్లా స్థాయి ఫుట్‌బాల్‌ టోర్నమెంట్‌ నిర్వహించనున్నట్టు కంటోన్మెంట్‌ స్పోర్ట్స్‌ అసోసి యేషన్‌ ఛైర్మెన్‌ జంపన ప్రతాప్‌ తెలిపారు. శనివారం బోయిన్‌పల్లి ప్లే గ్రౌండ్‌లో ఏర్పాటు చేసిన విలేకర్ల సమావేశంలో ఆయన మాట్లాడుతూ ఆర్మ్స్‌ ట్రస్ట్‌ ఫౌండేషన్‌ ఛైర్మెన్‌ మధుసూధన్‌ రెడ్డి సౌజన్యంతో ఈ పోటీలు నిర్వహిస్తున్నట్టు తెలిపారు. కంటోన్మెంట్‌ స్పోర్ట్స్‌ అసోసియేషన్‌ ఏర్పడి 25 ఏండ్లు అయ్యిందని తెలిపారు. ఇప్పటివరకు బోయినపల్లి ప్లే గ్రౌండ్‌లో వివిధ క్రీడా పోటీలు నిర్వహించి ఇటీవల జాతీయ స్థాయి ఫీస్ట్‌ బాల్‌ పోటీలు, రెజ్లింగ్‌ పోటీలు నిర్వహించినట్టు తెలిపారు. క్రీడా కారులను ప్రోత్సహించేందుకు కంటోన్మెంట్‌లోని అన్ని ప్రభుత్వ పాఠశాలలో ఉన్న విద్యార్థులకు వివిధ క్రీడా పరికరాలను అందజేస్తా మని తెలిపారు. ఆర్మ్స్‌ ట్రస్ట్‌ ఫౌండేషన్‌ ఛైర్మెన్‌ మధుసూధన్‌ రెడ్డి మాట్లాడుతూ ఫుట్‌బాల్‌ టోర్నమెంట్‌ నిర్వహించే అవకాశం తనకు రావడం ఆనందంగా ఉందన్నారు. ఈ సమావేశంలో స్పోర్ట్స్‌ అసోస ియేషన్‌ ప్రెసిడెంట్‌ మర్రి లక్ష్మణ్‌ రెడ్డి, ప్రతినిధులు రాగిర్‌ ప్రభు కుమార్‌ గౌడ్‌, జగదీష్‌, సత్యనారాయణ, జై రాజ్‌, ముని రాజ్‌, జంపన రవి, స్టాన్లీ, షకీబ్‌, మాల్యాద్ర, తదితరులు పాల్గొన్నారు.
