- కల్తీ పెట్రోల్‌ అమ్ముతున్నారని ఓ వాహన దారుడి ఆరోపణ
నవతెలంగాణ-నేరెడ్‌ మెట్‌
అల్వాల్‌ సర్కిల్‌ మచ్చబొల్లారం డివిజన్‌ సెలెక్ట్‌ టాకీస్‌ రోడ్‌లో ఉన్న భారత్‌ పెట్రోల్‌ పంపులో వేయించుకున్న పెట్రోల్‌లో నీరు కలిసి ఉండటంతో తాను అవాక్కయ్యానని ఓల్డ్‌ అల్వాల్‌కు చెందిన వాహన దారుడు సయ్యద్‌ తెలిపాడు. కల్తీ పెట్రోల్‌ అమ్ముతున్నారని ఆగ్రహం వ్యక్తం చేశాడు. తన బైకులో పెట్రోల్‌ పోయించుకుని ఇంటికి వెళ్లే క్రమంలో హఠాత్తుగా బైకు ఆగిపోయిందని, మెకానిక్‌ షాప్‌కు వెళ్లగా రిపేరు నిమిత్తం పెట్రోల్‌ను మెకానిక్‌ బాటిల్‌లోకి తీయగా అందులో పెట్రోల్‌కంటే నీటి శాతమే అధికంగా ఉందని చెప్పాడు. ఈ విషయం మెకానిక్‌ కూడా తనకు తెలుపగా పెట్రోల్‌ పంపు యజమానిని కలిసి మాట్లాడే ప్రయత్నం చేయగా నిర్లక్ష్యంగా మాట్లాడారని ఆవేదన వ్యక్తం చేశాడు.పెట్రోల్‌ బంకులపై ప్రభుత్వం, అధికారులు దృష్టి పెట్టాలని, కల్తీ జరగకుండా చర్యలు తీసుకోవాలని కోరాడు.
