- కాంగ్రెస్‌ నాయకులు నర్సారెడ్డి భూపతిరెడ్డి
- కైసర్‌గర్‌లో ఉచిత కంటి వైద్య శిబిరం
నవతెలంగాణ-జగద్గిరిగుట్ట
ఉచిత కంటి వైద్య శిబిరాలను ప్రజలు సద్వినియోగం చేసుకోవాలని కుత్బుల్లాపూర్‌ నియోజకవర్గం కాంగ్రెస్‌ నాయకులు నర్సారెడ్డి భూపతిరెడ్డి అన్నారు. ఆదివారం గాజులరామారం డివిజన్‌ పరిధిలోని కైసర్‌గర్‌లో లయన్స్‌ క్లబ్‌ వారి సౌజన్యంతో నిర్వహించిన ఉచిత కంటి వైద్య శిబిరాన్ని ఆయన ప్రారంభించి మాట్లాడారు. నియోజకవర్గ వ్యాప్తంగా కంటి వైద్య శిబిరాలు నిర్వహించి ఉచితంగా కంటి అద్దాలు, అవసరమైన వారికీ ఉచితంగా ఆపరేషన్లు చేయిస్తామని తెలిపారు. ఈ కార్యక్రమంలో కాంగ్రెస్‌ మండల అధ్యక్షులు బొంగునూరి శ్రీనివాస్‌ రెడ్డి, సొంటిరెడ్డి పున్నారెడ్డి, లయన్స్‌ క్లబ్‌ అధ్యక్షులు కొట్టె మురళికృష్ణ, లయన్స్‌ క్లబ్‌ క్యాంపు ఛైర్మన్‌ కళ్లెం శ్రీనివాస్‌ రెడ్డి, లయన్‌ పోలీస్‌ మోహన్‌ రెడ్డి, సమీర్‌ ఖాన్‌, జిల్లా కిసాన్ సెల్‌ ఛైర్మన్‌ సదానందం, యువజన కాంగ్రెస్‌ నాయకులు నవీన్‌ రెడ్డి, కాంగ్రెస్‌ నాయకులు, కార్యకర్తలు పాల్గొన్నారు.
