- ఎమ్మెల్సీ బొగ్గారపు దయానంద్‌
నవతెలంగాణ-కల్చరల్‌
దేశం గర్వించదగ్గ ఉద్యమకారుల్లో చంద్రశేఖర్‌ ఆజాద్‌ ప్రముఖుడని శాసనమండలి సభ్యులు బొగ్గారపు దయానంద్‌ అన్నారు. ఎందరో మహానుభావులు మధురస్మతులు కార్యక్రమంలో భాగంగా స్వాతంత్ర సమరయోధులు చంద్రశేఖర్‌ ఆజాద్‌ జయంతి సభ గానసభ నిర్వహణలో అధ్యక్షులు జనార్దన మూర్తి అధ్యక్షతన సోమవారం జరిగింది. ఈ సందర్భంగా బొగ్గారపు దయానంద్‌ మాట్లాడుతూ భారత స్వాతంత్రోద్యమంలో చంద్రశేఖర్‌ ఆజాద్‌ భగత్‌ సింగ్‌కు ముఖ్య అనుచరుడిగా, హిందూస్తాన్‌ సోషలిస్టు రిపబ్లికన్‌ అసోసియేషన్‌ నిర్మాతగా, తనను తాను ఆత్మాహుతి చేసుకున్న అమరవీరునిగా భారత ప్రజల గుండెల్లో చిరస్మరణీయుడయ్యారని అన్నారు. చంద్రశేఖర్‌ అజాద్‌ను మరొకమారు గుర్తుచేసుకొని ఆయన ఆశయాల సాధనలో ముందుకు సాగాలని అన్నారు. కార్యక్రమంలో ప్రముఖ సాహితీవేత్త రమణ జీవీఆర్‌ ఆరాధన సంస్థ అధినేత గుదిబండి వెంకటరెడ్డి, ప్రముఖ కవి తంగిరాల చక్రవర్తి తదితరులు పాల్గొన్నారు.
