నవతెలంగాణ-బంజారాహిల్స్‌
మాదాపూర్‌లోని శిల్పకళా వేదికలో మంగళవారం సాయంత్రం జరిగిన స్వర మాన్‌సూన్‌ మ్యూజికల్‌ మస్తీ వీనుల విందుగా సాగింది. సినీ గాయకులు రాహుల్‌ సిప్లిగంజ్‌, గీతా మాధూరి, ధామిని, అరుణ్‌ కౌండిన్య, సింహ తదితరులు తమ హుషారైన పాటలతో హోరెత్తించారు. ఈ కార్యక్రమానికి హాజరైన శేరిలింగంపల్లి ఎమ్మెల్యే అరికపూడి గాంధీ నూతన వేదిక ఫిలిం కంటెంట్‌ కాంటెస్ట్‌(ఎఫ్‌సీసీ) పోస్టర్‌ను ఆవిష్కరించారు. సినిమాల పట్ల ఇష్టం ఉండి ప్రోత్సాహం లేని వారికి ఈ వేదిక ఎంతో ఉపయోగపడుతుందని వీకే ఎంటర్‌టైన్‌మెంట్స్‌ ప్రతినిధులు వినరు, తేజస్వి తెలిపారు. కార్యక్రమంలో వర్ట్యూసా లైఫ్‌ స్పేసెస్‌ అధినేత వి.వెంకటేశ్వర్లు, ఎస్పైర్‌ సొల్యూషన్‌ ప్రయివేట్‌ లిమిటెడ్‌ అధినేత మందలపు శివకష్ట తదితరులు పాల్గొన్నారు.
మీ స్నేహితులకు రికమెండ్ చెయ్యండి
