నవతెలంగాణ-బోడుప్పల్‌
బోడుప్పల్‌ మున్సిపల్‌ కార్పొరేషన్‌ పరిధి లోని నవోదయ యువజన సంఘం అధ్వర్యం లో గణేష్‌ ఉత్సవాల లక్కీ డ్రా విజేతలకు సోమవారం నాడు బహుమతులు అంద చేశారు. ఈ సందర్భంగా నవోదయ యువజన సంఘం మాజీ అధ్యక్షుడు, ఘట్‌కేసర్‌ ఉమ్మడి మండల మాజీ జడ్పీటీసీ సభ్యులు, టీఆర్‌ఎస్‌ పార్టీ అధ్యక్షుడు మంద సంజీవరెడ్డి మాట్లా డుతూ బోడుప్పల్‌ మున్సిపల్‌ కార్పొరేషన్‌లో నవోదయ యువజన సంఘం గత 42 సంవత్సరాలుగా గణేష్‌ నవరాత్రి ఉత్సవాలు నిర్వహించడం జరుగుతుందని, అందులో భాగంగా ఈ ఏడాది నిర్వహించిన లక్కీ డ్రాలో సుమారు వెయ్యి మంది పాల్గొనగా, అందులో మొహిదీపట్నం ప్రాంతంలో నివాసం ఉంటున్న విజయలక్ష్మి అనే మహిళకు పది గ్రాముల బంగారు నాణెం స్వంత చేసుకుందని, ద్వితీయ బహుమతి 100 గ్రాముల వెండి నాణెంను పి.శశీధర్‌ యాదవ్‌ స్వంతం చేసుకున్నాడని తెలిపారు. నవోదయ సంఘం అధ్వర్యంలో ప్రతి ఏటా నిర్వహించే ఉత్సవాలలో బంగారు నాణెం స్వంతం కావడం సంతోషంగా ఉందని విజేత విజయలక్ష్మి అన్నారు.
ఈ కార్యక్రమంలో ఘటకేసర్‌ సహకార బ్యాంకు డైరెక్టర్‌ జడిగే రమేష్‌ యాదవ్‌, నవోదయ యువజన సంఘం అధ్యక్షుడు మన్నే ప్రభాకర్‌ రెడ్డి, ప్రధాన కార్యదర్శి ఎర్రగుండ్ల సత్యమూర్తి, మాజీ అధ్యక్షులు ఎల్లగొని శ్రీవారి గౌడ్‌, సభ్యులు సామల బాల్‌ రెడ్డి, తోటకూర సురేష్‌ యాదవ్‌ పాల్గొన్నారు.
