నవతెలంగాణ -సరూర్‌నగర్‌
ఆంధ్రప్రదేశ్‌లోని నర్సీపట్నం నుండి హైదరాబాద్‌కు ట్రాన్స్‌పోర్ట్‌ చేస్తున్న 10.5 కేజీల ఎండు గంజాయిని స్వాధీనం చేసుకున్న ఘటన సరూర్‌నగర్‌ ఎక్సైజ్‌ స్టేషన్‌ పరిధిలో చోటుచేసుకుంది. సరూర్‌నగర్‌ ఎక్సైజ్‌ ఇన్‌స్పెక్టర్‌ జి.శ్రీనివాసరావు తెలిపిన వివరాల ప్రకారం రంగారెడ్డి జిల్లా ప్రొహిబిషన్‌, ఎక్సైజ్‌ అధికారి టి.రవీందర్‌రావు ఆదేశాల మేరకు అసిస్టెంట్‌ ప్రొహిబిషన్‌, ఎక్సైజ్‌ అధికారి బి.హనుమంతరావు పర్యవేక్షణలో సరూర్‌నగర్‌ ఎక్సైజ్‌ స్టేషన్‌కు చెందిన అధికారులు ఉదయం 5.00 గంటల నుండి 7.00 గంటల వరకు ఎల్‌.బి నగర్ బస్‌ స్టాప్‌ వద్ద నిర్వహించిన రూట్‌ వాచ్‌లో భాగంగా ఎండు గంజాయిని నర్సీపట్నం శ్రీరామ్‌ నగర్‌కాలనీకి చెందిన వరగని హరి తండ్రి ఉమాపతి అను వ్యక్తిని పట్టుకొని అతని వద్ద నుండిి10.5 కిలోల ఎండు గంజాయిని స్వాధీనం చేసుకోవడం జరిగింది అని సరూర్‌నగర్‌ ఎక్సైజ్‌ స్టేషన్‌ సీ.ఐ జి.శ్రీనివాసరావు తెలిపారు. ఈ కార్యక్రమంలో ఎక్సైజ్‌ సబ్‌ ఇన్‌స్పెక్టర్లు ముజాహిద్‌, సతారి, ఇబ్రహీం పాష, సమజ, సిబ్బంది తదితరులు పాల్గొన్నారు.
