నవతెలంగాణ-హయత్‌నగర్‌
బతుకమ్మ పండుగ సందర్భంగా హయత్‌ నగర్ డివిజన్‌ కార్పొరేటర్‌ కళ్లెం నవ జీవన్‌ రెడ్డి డివిజన్‌లోని బాతుల చెరువు, కుమ్మరి కుంట వద్ద ఏర్పాట్లను శుక్రవారం పరిశీలించారు. ఈ సందర్భంగా ఆయన మాట్లాడుతూ.. ఈ నెల 25 నుంచి వచ్చే నెల 3 వరకు సద్దుల బతుకమ్మ జరుగుతుంది. కావున ఆడపడుచులకి ఎటువంటి అసౌకర్యం కలుగకుండా అధికారులు తగిన ఏర్పాట్లు చేయాలన్నారు. ముఖ్యంగా బాతుల చెరువు కుమ్మరి కుంట ఆవరణలో చెత్తా చెదారం లేకుండా శుభ్రం చేయించాలని, లైటింగ్‌ ఏర్పాటు చేయాలని అధికారులకు సూచించారు. ఈ కార్యక్రమంలో వర్క్‌ ఇన్‌స్పెక్టర్‌ సురేష్‌, ముదిరాజ్‌ సంగం సభ్యులు పిడుగు సత్యనారాయణ, ఉపాధ్యక్షులు యాదయ్య, ప్రధాన కార్యదర్శి శ్రీనివాస్‌, పిడుగు రవీందర్‌, శంకర్‌, వెంకటేష్‌, జీవన్‌ మిత్రబృందం సభ్యులు పండాల శ్రీధర్‌, గంగాని శ్రీను తదితరులు పాల్గొన్నారు.
మీ స్నేహితులకు రికమెండ్ చెయ్యండి
